Rara Henia Hanai Karana Idia Laloa Lou

AIDS gorerena ia bada ia lao negana lalonai, hospital dekenai ia noho gorere tauna ese operesen daiutuna lalonai dika bada ia davaria diba. Dr. Richard Spence, ia be lagani 10 mai kahana Center for Bloodless Surgery ia naria tauna, Cooper Hospital-University Medical Center, Camden, New Jersey, U.S.A. dekenai, ia gwau: “Dala be lasi gabeai do ita henia hanai rara be ia goeva totona.”

Unai dainai ia be hoa gauna lasi, unai kliniki ese Iehova ena Witness taudia momo ia durua, badina idia be Baibel ena hereva hegeregerena ai rara idia dadaraia. (Levitiko 17:11; Kara 15:​28, 29) To, Witness lasi taudia momo danu be unai kliniki dekenai idia lao badina rara henia hanai karana amo gorere idauidau hegeregere hepatitis, AIDS, bona ma gorere haida idia abia garina. Courier-Post Weekly Report on Science and Medicine ia gwau: ‘AIDS gorere ia vara dainai rara do ita sekea namonamo be gau badana. Ena be rara idia sekea namonamo to gorere haida idia davaria lasi badina unai gorere idia noho to idia sekea neganai ia hedinarai lasi ela bona gabeai.’

Unai dainai, Center for Bloodless Surgery ese rara lasi durua gaudia idia gaukaralaia, ta be gorere tauna ena rara be tauanina murimuri ai ia lao masini ta dekenai bena ia giroa lou tauanina dekenai​—⁠Witness taudia haida be idia laloa unai dala idia gaukaralaia diba operesen idia abia neganai.a Ma heduru ta be muramura haida idia henia gorere tauna dekenai ena rara ia habadaia totona. Bona danu, rara henia hanai karana idia gaukaralaia lasi, to rara ena gaukara ia karaia muramura haida idia gaukaralaia oksijen ia abia vareai tauanina lalonai totona. Dr. Spence ia gwau: ‘Iehova ena Witness taudia be idia ura medikol heduru hereana do idia abia, to idia ura lasi rara, idia ura rara durua gaudia.’

Iehova ena Witness taudia be doketa taudia edia heduru bada dainai bona edia tomadiho ena taravatu idia matauraia dainai idia tanikiu bada. Unai dainai, Iehova ena Witness taudia ese “medikol heduru hereadaena idia abia” bona edia Dirava, Iehova vairanai edia lalona ia goeva noho.​—⁠2 Timoteo 1:⁠3.

[Footnotes]