‘Koikoi Lasi Taudia Ita Ura’

KOIKOI lasi karana oi davaria nega momo lasi hari tanobadana ai. To, unai be Keristani taudia edia kara badana ta. Paulo ia gwau: “Ai ura be nega ibounai kara maoromaoro do ai karaia.” (Heberu 13:18) Wilma, Iehova ena Witness hahinena ta Faenza, Italy ai, ia ura unai bamona ia karaia.

Niuspepa ta Il Resto del Carlino ia gwau ia ese moni dogoatao gauna mai ena moni bada herea ia davaria sitoa ta murinai, ena siti dekenai. Pulisi dekenai ia henia maoromaoro, “ia naria lasi,” moni ia haboioa tauna do ia abia lou totona.

Siti ena gavamani tauna badana ese unai sivarai ia kamonai neganai, karaharaga tanikiu revareva maragina ia siaia Wilma dekenai. Ia torea: “Inai Siti ena ladana dekenai oi lau tanikiu henia, emu kara namona dainai. Iseda siti namona, Faenza, dekenai taunimanima namodia bona idia koikoi lasi taudia ita ura.”

Herevana taunimanima ese iseda kara namodia idia itaia eiava, namona be hanaihanai koikoi lasi karana ita badinaia. Revareva Helagadia edia hahegani hegeregerena, “ita ura kara namo ita karaia Dirava vairanai sibona lasi to danu taunimanima vairanai.”​—2 Korinto 8:​21, The Jerusalem Bible.