Edia Kara Namo Idia Hanamoa

ITALY ena niuspepa La Gazzetta del Mezzogiorno ese Iehova ena Witness taudia ia hanamoa badina inai hereva “Matera​​—⁠City of Unique Cave Dwellings” idia printaia. Unai hereva be July 8, 1997, Awake! dekenai, bona unai magasin be gado momo dekenai idia printaia bona halasia. Awake! be gado 81 dekenai idia hahanaia bona tanobada hegegemadai kopi milioni 19 idia halasia. Unai niuspepa ia gwau Awake! be lagani ena siahu negana ai ia kwalimu momokani, “unai siti [Matera] ena histori gaudia bona imana gaukara idauidau edia sivarai hahedinaraia badabada karana dekenai.”

Unai niuspepa ese Witness taudia ia hanamoa, badina lagani 1997 “Dirava Ena Hereva Abidadama Henia” Distrik Hebouhebouna ta idia karaia Matera dekenai. Unai hereva ia gwau Witness taudia be “siahu negana ai, dina ena siahu be bada neganai, taunimanima 4,000 idia veria [siti ena] XXI Settembre Stadium dekenai. Unai steidiam idia hagoevaia, penia lou, bona unai spot gadara gabuna idia hanamoa (ena toileti idia hanamoa namonamo) bona idia karaia davana lasi, idia gaukaralaia kohu edia davana be sibodia idia karaia.”

Iehova ena Witness taudia idia hekwarahi idia be dekena taudia namodia ai idia lao. (Mataio 22:​37-​39) Inai Baibel ena sisiba idia badinaia danu: “To Dirava idia diba lasi taudia edia vairanai, kara namodia do umui karaia. . . . Bema emui kara namodia idia itaia neganai, idia ese Dirava do idia hanamoa, Keriso do ia giroa mai dinana dekenai.”​—⁠1 Petero 2:​12.