“Ai Katolik Taudia be Idia amo Gau Momo Ai Dibaia Diba”

TISA ta Bari, Italy ai, be haisikuli dekenai tomadiho ena histori klas lalonai unai hereva ia gwauraia Iehova ena Witness taudia dekenai. Tisa ese ena klas ia hamaoroa idia ia hadibaia neganai vidio haida do ia gaukaralaia. Roberto, ena mauri lagani be 18 merona, be unai ia kamonai neganai, ia noinoi bema iena tomadiho oreana idia kikilaia diba danu. Tisa dekenai Jehovah’s Witnesses​​—⁠The Organization Behind the Name ena vidio ia henia. Ia ese Roberto amo vidio ia abia bona klas ibounai, stiuden taudia 30 bamona be unai vidio idia itaia. Roberto ia gwau: “Idia ibounai be Iehova ena Witness taudia huanai lalo-tamona, gaukara namonamo karana, bona lalokau korikorina ia noho karana idia hoalaia. Bona idia hoa bada badina hua ta ta lalonai Gima Kohorona ena kopi milioni 40 bona Awake! ena kopi milioni 36 idia printaia.”

Roberto ena klas taudia be vidio idia itaia murinai idia gwau: “Ai diba lasi emui gaukara be umui karaia namo herea.” Tisa ese Iehova ena Witness taudia ia herevalaia neganai, ena klas dekenai ia gwau: “Umui itaia edia tomadiho ese ia doridia idia lalo-tamona bona idia gaukara namonamo totona. Ai Katolik taudia be idia amo gau momo ai dibaia diba.” Vidio idia itaia bena klas lalonai idia herevalaia karana ese ia durudia Iehova ena Witness taudia edia orea idia lalo-pararalaia namonamo totona.