Keristani Lalokau—Ia be Hereva Sibona Lasi

TRINIDAD dekenai, lahi ese Bartholomew ruma besena edia ruma ia gabua neganai, gau ibounai idia haboioa to edia mauri sibona idia haboioa lasi. Idia kahirakahira dekenai ia noho varavara hahinena ta ese idia ia abidia dae, to unai sibona ia vara lasi.

Olive Bartholomew be Iehova ena Witnes hahine ta, bona iena kongregesen taudia​​—⁠bona unai gabu dekenai idia noho kongregesen taudia​​—⁠be ia bona ena ruma bese taudia ese idia haboioa rumana haginia lou totona, moni idia haboua hamatamaia. Unai haginia gaukarana gunalaia totona, komiti ta idia haginia bona haginia gaukarana ia matamaia. Witnes taudia 20 bamona, bona unuseniai idia noho taudia haida danu, ese unai gaukara idia durua. Matamata taudia idia lao danu, bona ma haida be aniani idia henia.

Trinidad ena Sunday Guardian dekenai, Olive ia gwau: “Lauegu ruma bese taudia idia moale bada. Idia be Witnes taudia lasi, bona lauegu adavana be ia itaia gaudia dainai ia hoa bada noho.”

Hereva dokonai, ruma haginia gaukarana ia gunalaia tauna ese ia hahedinaraia unai bamona kara ese Keristani momokani ena toana ia hahedinaraia. Ia gwau: “Ai be ruma ta ruma ta dekenai ai lao bona lalokau ai herevalaia sibona lasi. To, ai hekwarahi ai harorolaia gauna ai badinaia totona.”​​—⁠Ioane 13:​34, 35.

[Picture on page 32]

Olive Bartholomew bona iena adavana