Lagani Matamata Auna—Russia Eiava Keristani Taudia Edia Kastom Ta?

“ELA BONA lagani 1830 murinai, taunimanima ese Lagani Matamata Auna idia do gwauraia, ‘Germany taudia ese idia abia dae gau namona’ ta. Bona lagani 1839 bamona, St. Petersburg ena ladana bada taudia ese edia ruma ai unai au idia atoa. . . . To, dubu biagudia bona ladana maragi taudia edia ruma dekenai unai au idia atoa lasi. . . .

“Lagani 1800 do lasi neganai, taunimanima be unai au . . . idia abia dae lasi. Badina Russia taudia edia kastom dekenai unai au be mase ia laulaulaia. Bona idia gaukaralaia ‘lauma dikadia’ edia gaukara idia karaia totona, bona bia hoia rumadia edia guhi dekenai unai au idia atoa danu. To lagani 1850 bamona lalonai taunimanima be edia lalohadai idia haidaua. . . . Idia laloa unai au be krismas ia laulaulaia, unai dainai unai au idia abia dae bona edia ruma idia hahairaia,  . . . Europe dekenai idia karaia bamona.

“Russia dekenai, unai au be Keristani gauna ta ai idia halaoa gwauraia neganai, hekwakwanai haida idia vara. Orthodox ena dubu taudia ese unai au idia dadaraia. Badina dubu gunalaia taudia idia itaia unai au totona idia karaia moale karadia lalonai ‘demoni edia kara’ idia hahedinaraia, bona ia be Iesu ena vara sivaraina ida ia hegeregere lasi, bona danu, unai kara be Europe ena tano haida dekenai idia karaia.”​—Professor Yelena  V. Dushechkina, diba bada hahinena, St. Petersburg State University dekenai.

[Picture Credit Line on page 32]

Photograph: Nikolai Rakhmanov