Henanadai

◼ Politikol eleksen karana dekenai Keristen Witness taudia iboudiai be dahaka idia diba be namo?

Rejista: Gavamani ena taravatu oi badinaia be maoro, unai dainai bema oiemu lagani ia hegeregere, oiemu ladana oi henia Electoral Roll dekenai idia torea totona be maoro. Luka 2:​1-5 duahia. Iosef bona Maria ese Kaisara ena taravatu idia badinaia totona, daudau gabuna Betelehem dekenai idia lao edia ladana idia rejista totona. Unai hegeregerena, hari inai nega lalonai, Keristen taudia be gavamani ena taravatu idia badinaia bona vouti karana dainai edia ladana idia rejista.

Gini Siri Karana: Politikol eleksen dekenai, taunimanima idia vouti, politik ena dagi idia tahua, eiava gaukara idia karaia tau ta idia durua politik ena dagi do ia abia totona, to Witness taudia be unai taudia edia kara idia koua toho lasi. Namona be Witness taudia ta ta iboudiai be henuai idia noho Bible siridia be mai guriguri danu idia lalodia namonamo, bena edia lalona idia hadaia dahaka do idia karaia totona.

1 Ioane 5:19:“Ita diba danu, ita be Dirava ena natuna taudia, bona Satani ese tanobada taudia ibounai ia gunalaia noho.”

Ioane 15:19:“Bema umui be tanobada ena taudia momokani neganai tanobada taudia ese umui do idia lalokau henia. To umui be tanobada ena lasi, lau ese tanobada dekena amo lau abia hidi umui, unai dainai tanobada ese umui do ia badu henia.”

Iakobo 4:4:“Umui be headava kara ena taravatu umui makohia noho taudia bamona. Umui diba lasi, a, bema umui ura tanobada danu umui turana karaia neganai Dirava umui tuari henia noho?”

Mataio 24:14:“Basileia ena Sivarai Namona be tanobada ibounai dekenai do idia harorolaia. Vadaeni unai murinai dokona be do ia ginidae.”

Hereva ma haida umui diba totona, namona be Reasoning buka, rau 273, 274 umui itaia.

This article is unique to PNG.