Lagani 2001 Ena Hebouhebou Program Matamatadia
1 Tanobada taudia ese dala idia tahua iseda lalona idia veria iseda hetura karana Iehova ida ita rakatania totona. (Ioa. 17:14) Iseda lalokau bona badinaia karana Iehova totona ita habadaia, bona ita idia hagoadaia lauma dalanai ita idia hadikaia diba tanobada gaudia ita dadaraia totona, February 2001 ena sekit hebouhebou program matamatana ena sinado be “Dirava Lalokau Henia—Tanobada Gaudia Lasi.”—1 Ioa. 2:15-17.
2 Inai hereva, “Dirava Lalokau Henia Karana ese Haroro Gaukarana ai Ita Ia Hagoadaia” lalonai, do ita dibaia edena dala ai momo ese hemarai bona hekwakwanai ma haida idia hanaia bena haroro gaukara idia karaia badabada diba. Hereva ladana “Iehova Lalokau Henia Taudia ese Dika Idia Inai Henia” bona hereva mai ena kahana toi, “Tanobada Gaudia—Edena Dala ai Ita Lalodia?” ese iseda lalona do idia hagoadaia ura kereredia ita dadaraia totona. Pablik tok ladana “Lalokau Bona Abidadama Edia Tanobada Halusia Dalana,” ese ita do ia hagoadaia Iesu ita tohotohoa bona tanobada ena hahetoho idauidau ita dadaraia totona.—Ioa. 16:33.
3 February 2001 ena dina tamona hebouhebou program ena sinado be ‘Taudia Badadia Bamona Dobu Gaudia Umui Lalo-Pararalaia.’ (1 Kor. 14:20) Unai program ese ita do ia durua tanobada ena kara dika do ita dadaraia totona, badina kara namo amo dika do ita halusia dalana bona Iehova abidadama henia noho dalana do ita dibaia.
4 Sekit naria tauna ese “Tau Badadia Bamona Baibel Lalo-Pararalaia Totona Heduru Gaudia” do ia herevalaia. Keristani abidadama dekenai ita gini goada dalana do ia hahedinaraia. Matamata taudia danu be lalo-parara idia abia be namo. Unai be hereva ladana “Kara Dika Dekenai Ita be Natuna Maragina Bamona Ena Badina” bona “Hari Inai Negai Lalo-Parara Idia Abia Matamata Taudia” lalonai do idia herevalaia.
5 Vadivadi tauna ese ia henia hereva “Emu Lalona Oi Hadibaia amo Lauma Dalanai Sibona Oi Gimaia,” amo do ia hahedinaraia edena dala amo Baibel ena hakaua herevadia ita gaukaralaia be gau badana iseda lalo-parara ita habadaia totona. Edena dala ai iseda mauri lalonai moale bada herea ita davaria diba? Vadivadi tauna ese hereva dokona lalonai unai do ia hahedinaraia, ena hereva kwarana be “Mai Lalo-Parara ida Baibel Ena Hakaua Herevadia Badinaia amo Namo Oi Abia.”
6 Unai hebouhebou dekenai bapatiso idia ura idia abia taudia ese kongregesen ena gunalaia tauna eiava sekit naria tauna idia hadibaia haraga be namo, unai amo dala idia karaia diba. Namona be emu Baibel stadi taudia oi boiria mai, bona emu lalona oi hadaia unai abidadama hagoadaia program ena kahana ta do oi reaia lasi!
This article is unique to PNG.