Tiokratik Haroro Sikuli Ena Riviu — Gima Kohorona INTANET LAIBRI

Tiokratik Haroro Sikuli Ena Riviu

Inai henanadai be Tiokratik Haroro Sikuli dekenai do ita herevalaia, June 25, 2007 ia matamaia purana ai. Sikuli naria tauna ese miniti 30 lalonai riviu do ia karaia, unai gaudia be May 7 ia lao June 25, 2007 wiki herevadia dekenai. [Itaia: Bema henanadai edia dokona ai buka ta idia torea lasi, sibona emu tahua karana oi karaia be namo haere oi davaria totona.—Haroro Sikuli bukana, rau 36-7 itaia.]

HEREVA KARANA

1. Ita hereva neganai, edena dala ai masolo aukadia ita hamanokaia karana amo iseda gado regena ita hanamoa diba? [be rau 184 par. 2–rau 185 par. 2]

2. Edena dala ai ita ese haroro gaukara ai ‘taunimanima idauidau ibounai edia mauri dalana ita abia dae’ diba? (1 Kor. 9:20-23) [be rau 186 par. 2-4]

3. Iehova ese ma haida edia lalohadai ia kamonai henia karana be edena bamona ita tohotohoa diba? (Gen. 18:23-33; 1 Kin. 22:19-22) [be rau 187 par. 1-2, 5]

4. Ma haida be edia abidadama dekenai idia goada idia lao totona, edena dala ai ita durudia diba? [be rau 188 par. 1-4]

5. Dahaka dainai ma haida dekenai hemataurai hahedinaraia karana ita laloa bada be namo? [be rau 190 par. 3, maua]

HEREVA NAMBA 1

6. Dahaka dainai ita hekwarahi ita hadibaia taudia edia kudouna ita hamarerea totona? [be rau 59 par. 1]

7. Iseda haheitalai ese edena bamona ita hadibaia taudia ia durua diba? [be rau 61 par. 1]

8. Ruma bese ida iseda herevahereva karana be edena bamona ita hanamoa diba? [be rau 62 par. 3]

9. Ieremia be edena bamona boga auka karana ia hahedinaraia? [bsi02-1 rau 12 par. 36]

10. Lalohisihisi ena Ane ese dahaka abidadama karana ia hahedinaraia, to dahaka dainai kara dika taudia dekenai Dirava ena hahemaoro karana ia herevalaia be mai ena namo? [bsi02-1 rau 15 par. 13]

WIKI TA TA ENA BAIBEL DUAHIDUAHI

11. Ieremia 37:21 lalonai, Ieremia dekenai ia vara gauna ese edena bamona ita ia hagoadaia?

12. Dahaka dainai Baruku ia gwau Iehova ese ena “hisihisi ena latanai lalohisihisi ma ia atoa kau” dainai ia “hesiku,” bona Baruku be dahaka ia karaia? (Ier. 45:1-5)

13. Edena negai Babulonia be taunimanima ese idia noholaia lasi, bona ‘anina lasi tano sibona ai ia lao’? (Ier. 50:13)

14. Lalohisihisi ena Ane 3:8, 9, 42-45 ese guriguri totona dahaka hakaua herevana ia hahedinaraia?

15. Esekiela karoa 1 ese ia gwauraia kariota be dahaka ia laulaulaia?