Dala Idauidau ai Lalona Veria Herevadia Gaukaralaia Toho

Dala Idauidau ai Lalona Veria Herevadia Gaukaralaia Toho

Taunimanima ita laloa bada dainai, ita ura edia dabu gaudia ita diba bona idia dekenai ita hahedinaraia edena dala ai Basileia ese edia hekwakwanai do ia haorea. (Fili. 2:4) Pablisa momo idia gwau, ‘Bema ruma tauna ita noia iseda buka bona magasin lalonai idia noho Paradaiso laulaudia idia herevalaia totona, unai ese namo bada ia havaraia.’ (Inai rau ena kahana ladana “Paradaiso Ena Laulau Haida” henunai idia noho bukadia edia laulau gaukaralaia.) Reana henunai hamatamaia hereva ta oi gaukaralaia toho:

◼ “Oi laloa taunimanima ese inai laulau ai ia hedinarai maurina idia moalelaia diba, a?”

◼ “Ita ura iseda natudia be inai laulau ai ia hedinarai maurina idia moalelaia. Edena dala amo unai ia vara diba?”

◼ “Dirava ena ura gauna tanobada dekenai do ia vara, guba dekenai ia vara bamona neganai, tanobada ena toana be inai laulau ai ia hedinarai bamona do ia lao. Hari inai nega ena mauri bona inai laulau ena idau be dahaka?”

◼ “Oi ura inai laulau ese ia hahedinaraia tanobadana ai oi noho, a? [Haere naria.] Oi laloa unai be iseda nega lalonai do ia vara, a?”

Ruma tauna ena haere oi kamonai namonamo, bona ia hereva noho totona, henanadai ta o rua oi henia. Nega momo haida edia haere be, idia ura lasi laulau ai ia noho tanobadana idia noholaia, o idia gwau unai laulau ai ia noho tanobadana do ia vara lasi. Namo lasi oi laloa unai bamona taudia idia ura lasi kamonai, to mai aonega ida idia oi nanadaia, dahaka dainai unai bamona idia haere. Reana edia haere amo do idia hahedinaraia idia be taunimanima ese idia davaria hekwakwanai idia laloa bada.—Ese. 9:4.

Ruma tauna ese ia laloa bada gauna oi diba murinai, emu kiki herevana oi haidaua. Basileia ena sivarai ta oi gwauraia, unai ese ia laloa bada gauna ia hahedinaraia. Bena siri ta eiava rua oi duahia. Namona be ia sibona ese ia itaia Baibel be dahaka ia gwau. Bema ruma tauna ia kamonai, buka oi hariharilaia bona dala oi karaia ia oi lou henia totona. Emu vadivadi ginigunana ai oi herevalaia gauna oi habadaia noho.

[Box on page 2]

Paradaiso Ena Laulau Haida

Hadibaia Tauna buka: rau 251-4

Baibel Hadibaia buka: rau 35, 75, 190

Dirava Oi Kamonai Henia Bona Oi Mauri buklet: rau 2-3, 22-23

Dirava Oi Kamonai Henia buklet: rau 2-3, 22-23

[Box on page 3]

Taunimanima ese Idia Laloa Bada Gaudia

Gorere

Isaia 33:24; 35:5, 6

Hekwakwanai idia haorea diba lasi gavamani

Salamo 146:3, 4;