‘Idau Dirava Umui Negea’

Iakobo ia diba Iehova sibona idia tomadiho henia be maoro, ena be Iehova ese unai nega ai kaivakuku tomadiho henia ena taravatu ia do atoa lasi. (Eso 20:3-5) Unai dainai Iehova ese Iakobo ia hamaoroa Betele dekenai idia giroa lou neganai, ia ida idia noho taudia ibounai ia hamaoroa edia kaivakuku do idia negea. Iakobo ese edia kaivakuku bona sibona idia gimaia totona idia karaia herahera gaudia ibounai ia negea. (Ge 35:1-4) Iehova be Iakobo ese ia karaia karana dekenai ia moale.

Hari danu, edena dala ai ita hahedinaraia diba Iehova sibona ita tomadiho henia? Namona be kaivakuku eiava meamea karadia ita dadaraia. Unai ena anina be meamea karadia idia hahedinaraia kohudia ita gabua, bona ita itaia movie danu ita abia hidi namonamo. Hegeregere, sibona oi nanadaia: ‘Lau be vampire, bona zombie, eiava lauma dikadia idia hahedinaraia movie bona buka lau moalelaia, a? Lau abia hidi moale karadia ese meamea karadia bona herevadia idia hahedinaraia, a?’ Iehova ese ia inai henia gaudia ita dadaraia be namo.​—Sa 97:10.

VIDIO LADANA, “DIABOLO UMUI INAI HENIA” ITAIA, BENA INAI HENANADAI HAERELAIA:

• 

  Baibel stadi ta ladana Palesa ena mauri ai dahaka hekwakwanai ia vara?

• 

  Bema oi eiava oi diba tauna ta, eiava emu stadi tauna ta be mai ena hekwakwanai, meamea karadia dekenai, dahaka dainai elda taudia edia heduru oi tahua be namo?

• 

  Bema ita ura Iehova ese ita ia gimaia, dahaka gaudia ita dadaraia momokani be namo?

• Palesa be karaharaga dahaka ia karaia?

• Oi noho gabuna dekenai, edena dala haida ai demoni oi dadaraia diba?