Samuela Ginigunana

12 Samuela be Israela taudia ibounai dekenai ia gwau: “Umui ese lau umui noia do lau karaia gaudia ibounai lau karaia vadaeni, bona king ta lau abia hidi umui ia lohiaia totona.+ 2 Vadaeni umui do ia hakaua king be inai!+ To lau be lau buruka bona egu huina ia kurokuro vadaeni, bona egu natudia be umui huanai idia noho,+ lau be egu matamata negana amo umui lau hakaua ema bona hari.+ 3 Lau be inai. Bema umui be mai emui maumau herevana ta lau dekenai, vadaeni Iehova bona iena horoa tauna edia vairanai umui gwauraia.+ Lau ese daika ena boromakau eiava daika ena doniki lau abia?+ Eiava daika ena kohu be koikoi dalana amo lau abia eiava daika lau hahisia? Bona daika ena imana amo laloani monina* lau abia, kota lau hagagevaia totona?+ Bema unai bamona kara ta lau karaia, vadaeni unai gaudia be umui dekenai do lau henia lou.”+ 4 Unai neganai idia gwau: “Oi ese koikoi dalana amo ai dekenai gau ta oi abia lasi, eiava ai oi hahisia lasi eiava ai ta emai imana dekena amo gau ta oi abia lasi.” 5 Vadaeni idia dekenai ia gwau: “Hari dina Iehova bona ena horoa tauna idia kamonai, umui hereva vadaeni lau be umui amo gau ta lau abia lasi.” Bena idia gwau: “Oibe, Ia ese gau ibounai ia kamonai vadaeni.”

6 Bena Samuela be taunimanima dekenai ia gwau: “Iehova, Mose bona Arona ia gaukaralaia bona emui sene taudia be Aigupito amo ia hakaua raka-lasi+ Diravana, ese emui hereva ia kamonai vadaeni. 7 Emui gabu ai umui gini bona Iehova vairanai umui do lau hahemaoro henia, Iehova ese umui bona emui sene taudia dekenai ia karaia kara maoromaoro ibounai dainai.

8 “Iakobo be Aigupito dekenai ia lao+ bona unuseniai ia noho, gabeai emui sene taudia be heduru totona Iehova dekenai idia boiboi,+ bona Iehova ese Mose+ bona Arona ia siaia, Aigupito amo emui sene taudia idia hakaua raka-lasi totona bona idia ese inai tano idia henia idia noholaia totona.+ 9 To idia ese Iehova edia Dirava idia laloaboio, bona ia ese idia be Hasoro ena tuari biaguna badana Sisera+ ena imana dekenai bona Filistia taudia+ bona Moaba ena king+ edia imana dekenai ia hoihoilaidia+ bona idia ese idia tuari henidia. 10 Bona Iehova dekenai heduru totona idia boiboi+ bona idia gwau: ‘Ai be ai kara dika vadaeni,+ badina ai ese Iehova ai rakatania, Bala+ bona Asatorete+ laulaudia ai hesiai henidia totona. Vadaeni hari emai inai taudia edia imana amo ai oi hamauria, unai amo oi do ai hesiai henia.’ 11 Bena Iehova ese Ierububala+ bona Bedana bona Iepeta+ bona lau, Samuela+ ia siaia, bona emui inai taudia edia imana amo umui ai hamauria, unai amo umui noho namo diba.+ 12 Bona umui itaia Amono taudia edia king, Nahasa,+ be umui tuari henia totona ia mai neganai, umui be lau dekenai umui hereva loulou, umui gwau, ‘Ai ura king ta ese ai ia lohiaia!’+ Ena be Iehova emui Dirava be emui King.+ 13 Vadaeni umui ura henia king be inai, umui be ia totona umui noinoi. Itaia, Iehova ese king ta ia abia hidi vadaeni, umui ia lohiaia totona.+ 14 Bema umui ese Iehova umui gari henia+ bona ia umui hesiai henia+ bona ena gadona umui kamonai henia+ bona Iehova ena oda hereva umui dadaraia lasi, bona umui bona umui ia lohiaia king ese Iehova emui Dirava umui badinaia, do umui namo. 15 To bema Iehova ena gadona umui kamonai henia lasi bona Iehova ena oda hereva umui dadaraia, vadaeni Iehova ese umui bona emui tamadia do ia panisia.+ 16 Vadaeni emui gabu ai umui gini bona Iehova ese emui vairanai do ia karaia kara badana umui itaia. 17 Hari dina be witi gogoa negana, ani? Lau ese Iehova do lau noinoi henia bona ia ese guba boiboina bona medu do ia siaia. Bena do umui diba bona laloparara, umui be king ta totona umui noinoi neganai, umui ese Iehova ena vairanai kara dika badana umui karaia.”+

18 Bena Samuela be Iehova ia noinoi henia, bona Iehova ese unai dina ai guba boiboina bona medu ia siaia, unai dainai taunimanima ibounai be Iehova bona Samuela dekenai idia gari momokani. 19 Bona taunimanima ibounai be Samuela dekenai idia gwau: “Iehova dekenai ai totona oi guriguri,+ badina ai ura lasi ai mase, ai be king ta totona ai noinoi neganai, emai kara dika ibounai latanai dika ma ta ai atoa kau.”

20 Vadaeni Samuela be taunimanima dekenai ia gwau: “Umui gari lasi. Umui be momokani inai kara dika ibounai umui karaia. To gau badana be Iehova amo umui raka siri lasi,+ namona be mai kudouna ibounai ida Iehova umui hesiai henia.+ 21 Namo lasi dirava koikoidia umui badinaia,+ idia amo namo ta do umui abia lasi+ bona umui do idia hamauria lasi, badina idia be anina lasi kaivakukudia. 22 Iehova be ena ladana badana dainai+ ena taunimanima do ia rakatania lasi,+ badina Iehova ia ura umui be iena taunimanima ai ia halaoa.+ 23 Lau be umui dainai guriguri do lau hadokoa lasi, badina bema lau hadokoa, lau be Iehova dekenai lau kara dika, to lau be umui dekenai dala namona bona maorona do lau hadibaia noho. 24 Iehova sibona umui gari henia+ bona mai abidadama ida ia umui hesiai henia, badina ia ese umui totona kara badadia ia karaia.+ 25 To bema mai laloauka ida kara dika umui karaia noho,+ vadaeni umui bona emui king be do umui mase ore.”+