Oi ese aiemai kara dika oi itaia noho, bona hunia dekenai ai kara dika neganai, oi ese oiemu vairana dekenai oi atodia, bona oi dekenai idia hedinarai namonamo.

Salamo 90:​7-

Iehova ese ‘edia kara dika ia itaia.’ Taunimanima vairanai idia karaia kara dika dainai ia hahemaoro henidia, bona ‘hunia dekenai idia karaia kara dika’ danu be iena ‘vairana dekenai idia hedinarai namonamo.’ (Aonega Herevadia 15:⁠3)

16. Bema haida be hehuni ai kara dika idia karaia noho, dahaka idia karaia be namo?

¹⁶ Bema ita ta be hehuni dekenai kara dika ita karaia noho, reana unai bamona kara be taunimanima dekena amo nega sisina lalonai ita hunia diba. To unai ita hunia kara dika be Iehova ena ‘vairana dekenai ia hedinarai namonamo,’ bona iseda kara dainai eda hetura karana ia ida ita hadikaia diba. Iehova ida eda hetura karana ita hamatamaia lou totona, namona be iseda dika ia gwauatao totona ita guriguri, iseda kerere ita rakatania, bona mai moale ida Keristani elda taudia ese lauma dalanai idia henia heduru ita abia dae. (Aonega Herevadia 28:13; Iamesi 5:​14, 15)