LESON 4

Byen entwodui vèsè yo

Matye 22:41-45.

SA POU W FÈ: Prepare lespri moun k ap koute w yo anvan w li yon vèsè.

Reflechi sou rezon ki fè w li vèsè sa a. Entwodui chak vèsè yon fason k ap ede moun k ap koute w yo wè pwen enpòtan ou vle fè parèt nan vèsè a.

Toujou sonje kontèks la. Lè w ap site yon vèsè, asire w moun ou di k ap pale a se li menm toutbon epi moun ki ekri liv la se li menm toutbon.
Montre se sa Bib la di ki pi enpòtan. Lè w ap pale ak yon moun ki kwè nan Bondye, atire atansyon l sou Bib la antanke Pawòl Bondye, konsa, w ap montre Bib la se pi bon mwayen pou yon moun jwenn sajès.
Fè moun yo enterese nan vèsè a. Poze yon kesyon moun yo ap jwenn repons lan nan vèsè a, pale de yon pwoblèm vèsè a ap ede yo jwenn solisyon an, oswa site yon prensip k ap parèt nan sa vèsè a di a.

Reflechi ak sa moun k ap koute w yo deja konnen sou sijè a ak vèsè a. Byen entwodui menm yon vèsè moun k ap koute w yo deja konnen, epi ede yo konprann kèk detay anplis nan vèsè a.