Raisa orusuvero notjari

Ripurira kovapuratene voye. Rongerisa omutima woye mokuripurira komauzeu owo ngu ve muna. Kondja okuripura kutja omauzeu nga ye ṱuna vi ku wo.

Toorora omambo woye nawa. Paha omiano vyokukovisa, nokuhuhumiṋa, nokuyanḓiparisa ovapuratene voye. Nakaura okuhungira momuano mbu mape ya au ve hihamisa, nu o hungire oviṋa ovivi ohunga novandu mbe ha kambura mu Jehova, poo ohunga noviṋa mbi ve kambura mo.

Raisa onḓero. Neraka epore nomuano mbu mo ungurisa omake noviṱuve vyoye, raisira ovapuratene voye kutja tjiri u rikendera ku wo. Yandja ombango kongaro yomurungu woye, nu aruhe meṱameṱa.