EPU 15

Hungira nongamburiro

1 Ovatesalonika 1:5

OUSUPI: Raisa kutja u nongamburiro moviṋa mbi mo hungire nokutja ovinanḓengu tjinene kove.

Rirongerisa nawa. Konḓonona nawa ondjivisiro ndji mo hongo, ngandu tji wa zuu nawa kutja omapu yeṋe nge ri omananḓengu nokutja Ombeibela mai raisa vi ouatjiri womapu ngo. Kondja okuhungirira komapu omananḓengu wehungi roye momambo omaṱiṱi uriri, nu momuano omupupu. Yandja ombango komuano mu maye vatere ovapuratene voye. Ningira ombepo ondjapuke ku Jehova mongumbiro.

Tji mo rirongerisire ehungi roye hungira momuano mbu mau zuvaka, kokutja u yenene okuzemburuka nawa omapu wehungi roye nu u yenene okuriyandja momuano omuwa.
Ungurisa omambo ngu maye raisa kutja u nongamburiro mu imbi mbi mo hongo. Moruveze rokuyarukira po omambo nge ri membo rorive, ungurisa omambo woye omuini. Ungurisa eraka ndi mari raisa kutja u nongamburiro mu imbi mbi mo hungire.
Hungira momuano mbu mau raisa ounanḓengu woviṋa mbi mo hungire nu hungira ouatjiri. Hungira neraka ewa ndi he ri kombanda tjinene nu ndi he ri kehi tjinene. Tje he ri otjiṋa otjivi okutjita, tara kovapuratene voye tji mo hungire kuna wo.

Okuraisa kutja u nongamburiro mu imbi mbi mo hongo, kaku nakuheya kutja mo sokuhungira nokuhina ongengezero, poo kutja mo sokuṋiṋikizira oumune woye mu varwe. Nandarire kutja mo hungire momuano mbu mau raisa ounanḓengu woviṋa mbi mo hungire, kondja okuhungira ku novapuratene voye momuano worusuvero.