Honga nonḓero

Okuhungira nonḓero ku ṱuna varwe. Nu varwe ve yenena okupuratena kove indu tji mo hungire nonḓero. Ihi wina tji raisa kutja tu muna ounanḓengu wombuze ndji tu zuvarisa. Nandarire kutja twaza mozombazu pekepeke atuhe matu yenene okurihonga okuhungira nonḓero. (Rom 12:11) Omomuano uṋe?

Otjṋa otjitenga, ripurira kounanḓengu wombuze yoye. Ove u nondjingonekero yapeke yokuzuvarisa “ombuze ombwa!” (Rom 10:15) Otjitjavari, ripurira komuano ombuze ombwa mu mai eta ouwa ku imba mbu mave puratene kove. Owo tjiri mave hepa okuzuva oviṋa mbi mo vanga okuveraera. (Rom 10:13, 14) Otjisenina, hungira nonḓero, ungurisa oviṱuve nomake, nu ongaro yoye yomomurungu nga i raise ohange.

TARERA OKAVIDIO NGA OKUMUNA ONDJOROKA YOKUKAISAPO OVANDU OVAHONGEWA—OKUKURISA ONDJIVIRO YOYE—HONGA NONḒERO, OKUZAMBO ZIRA OMAPURIRO NGA:

• 

  Otjikwaye tji tja tjita kutja Neeta a ha raisa onḓero indu tjee rihongo Ombeibela kuna Jade?

• 

  Otjikwaye tji tja vatera Neeta okukara nonḓero rukwao?

• 

  Ongwaye tji twa sokuyandja ombango kovikaṋena oviwa vyovapuratene vetu?

• Hapo okuhonga nonḓero maku ṱunu vi kovahongwa vetu vOmbeibela novandu varwe?