‘Mangilasinkayo’

Iti nagkauna a kongregasion Kristiano, adda naganat a panagkasapulan iti pinansial a tulong. Bayat a rumangrang-ay ti tunggal maysa, naidagadag kenkuana nga adda koma ‘ilasinna’ kas kontribusion agpaay kadagita a panagkasapulan. (1 Cor. 16:1-3) Kas resulta ti kinaparaburda, nagrag-oanda amin a nangibitla iti “adu nga ebkas ti panagyaman iti Dios.”​—2 Cor. 9:11, 12.

Ita, agtultuloy ti panagrang-ay ti sangalubongan a trabaho ti ili ni Jehova, ket agkasapulan iti dakdakkel a pinansial a suporta. Maiparbeng nga adda met koma regular nga ‘ilasintayo’ tapno makatulong iti dayta a panagkasapulan. (2 Cor. 8:3, 4) Mabalin ti mangted iti material a tulong iti nadumaduma a wagas. (Kitaenyo ti Nobiembre 1, 2001, Pagwanawanan, panid 28-9.) Umiso a matmatanyo daytoy kas pribilehio a mangyeg iti pudpudno a ragsak.—Ara. 20:35.