18 “‘Ewezẹ nọ mẹ Nebukadneza ovie na mẹ wezẹ ena; obọnana, whẹ Bẹltẹshaza, fa otọ riẹ ze, keme ezae iwareghẹ edekọ kpobi nọ e rrọ otọ uvie mẹ a be sae fa otọ riẹ kẹ omẹ hẹ.+ Rekọ whọ rẹ sai ru ere, keme ẹzi eghẹnẹ erẹri na ọ rrọ owhẹ oma.’

11 Ọzae jọ* ọ rrọ uvie ra na nọ ẹzi eghẹnẹ erẹri na ọ rrọ oma. Evaọ oke ọsẹ ra, a ruẹ nọ ọzae na o wo eriariẹ, otoriẹ udidi gbe areghẹ wọhọ areghẹ eghẹnẹ na.+ Ọsẹ ra, Nebukadneza ovie na ọ rehọ e riẹ mu olori izerẹ nọ i re ru emajiki, ebo-erayẹ, ahwo Kaldia,* gbe enọ i re rri isi obehru rọ gbẹva;+ ere ọsẹ ra o ru, O ovie. 12 Keme Daniẹl, ọnọ ovie na o mu odẹ na Bẹltẹshaza+ kẹ o wo ẹzi oghẹrẹsa gbe eriariẹ gbe otoriẹ udidi nọ ọ rẹ rọ fa otọ ewezẹ, fa otọ eme oze, je ku ebẹbẹ egaga họ.*+ Enẹna, jọ a se Daniẹl ze, ọ te fa otọ eme na kẹ owhẹ.”