20 “‘Ure nọ whọ ruẹ nọ o rro fihọ ruaro jẹ jọ gaga na, onọ obọ ehru riẹ u te obọ idhiwu na, nọ a jẹ jọ otọakpọ na soso ruẹ na,+ 21 nọ ebe riẹ i wo erru na, nọ ibi e dafia na, je wo emu rọkẹ ahwo kpobi na, onọ erao ẹwọ e jẹ rria otọ riẹ, gbe onọ evra obọ ehru* i je kiemu egha riẹ na,+ 22 whẹ họ ure na, O ovie, keme whọ rro fihọ ruaro jẹ rrọ gaga, oruaro ra u vihọ no je te obọ idhiwu na no,+ yọ isuẹsu ra i te oka avọ oka otọakpọ na no.+