22 “Otẹrọnọ ohwo ọ raha uzi nọ a re ro bruoziẹ uwhu kpei,+ nọ wha je kpei jẹ kare iẹe fihọ ehru ure,+ 23 ori riẹ ọ rẹ jọ ehru ure na asohẹrioke he.+ Ukpoye, wha rẹ ruẹ nọ wha ki rie evaọ ẹdẹ yena, keme ohwo nọ a kare fihọ ure yọ ọnọ Ọghẹnẹ ọ bọwo ehao,*+ wha re zue otọ nọ Jihova Ọghẹnẹ rai ọ be rọ kẹ owhai re wha rọ reuku na ha.+

57 Whaọ nọ owọwọ u bi te no, ọzae jọ nọ o fe nọ ọ rrọ ohwo Arimatia nọ a re se Josẹf ọ tẹ nyaze, ọnọ o zihe ruọ olele Jesu no re.+ 58 Ọzae nana ọ tẹ nyabru Pailet, ọ tẹ yare nọ a rehọ ori Jesu kẹe.+ Pailet ọ tẹ kẹ udu nọ a rehọ iẹe kẹe.+ 59 Josẹf ọ tẹ wọ ori Jesu, ọ tẹ rehọ emamọ ehọ-elọlọhọ nọ e fo rọ variẹ iẹe,+ 60 ọ tẹ wọe fihọ uki* okpokpọ riẹ+ nọ ọ tọ fihọ utho. Nọ o ghelie utho ulogbo ro di unu uki* na no, ọ tẹ nyavrẹ.

43 Josẹf ohwo Arimatia ọ tẹ nyaze, ọnọ ọ jọ omọvo Ogbẹgwae na nọ ọ viodẹ, nọ ọ jẹ hẹrẹ Uvie Ọghẹnẹ re. Ọ tẹ gbaudu nyabru Pailet, ọ tẹ yare nọ a rehọ ori Jesu kẹe.+ 44 Rekọ u mu Pailet ẹro ho sọ Jesu o whu no, o te se oletu ogbaẹmo na, ọ tẹ nọe sọ Jesu o whu no. 45 Nọ oletu ogbaẹmo na ọ vuẹe nọ o whu no, ọ tẹ kuvẹ nọ Josẹf ọ wọ ori na. 46 Nọ ọ dẹ emamọ ehọ-elọlọhọ jẹ wọe fihọ otọ no, ọ tẹ rehọ emamọ ehọ-elọlọhọ na variẹ iẹe, ọ tẹ wọe fihọ uki*+ nọ ọ tọ fihọ utho; o te ghelie utho ro di unu uki na.+