Emọs

4 “Wha yo ẹme nana, whai iruẹ Beshan,

Enọ e rrọ ugbehru Sameria,+

Whai eyae nọ i bi fi iruori na iwhayo,+ je bi thihi iyogbe nyaotọ,

Enọ e be ta kẹ ezae* rai nọ, ‘Kẹ omai udi re ma da!’

 2 Jihova Olori nọ Ọ Mai Kpehru na, ọ rehọ ọrẹri nọ ọ rrọ ro duwu iyei no inọ,

‘“Rri! Edẹ e be tha nọ ọwegrẹ rai ọ te rọ rehọ eghọlọ nọ a rẹ jẹhọ erao ro si owhai kpehru

Jẹ rọ eghọlọ iyei si owhai nọ i kiọkọ.

 3 Whai omomọvo ọ te rọ eria nọ a kporo evaọ ugbẹhẹ na rọ dhẹ ovavo;

Yọ a ti gbolo owhai fihọ Hamọn,” ere Jihova ọ ta.’

 4 ‘Nyaziọ Bẹtẹl re whọ raha uzi,*+

Ziọ Gilgal re whọ gbẹ raha uzi ga viere!+

Rehọ idheidhe ra ze+ evaọ ohiohiẹ,

Gbe abọvo abakpe ra+ evaọ ẹdẹ avọ esa.

 5 Mahe idhe uyere-okẹ orọ ebrẹdi nọ a fi ẹvi họ;+

Whowho ekẹ unevaze ra do via!

 6 ‘Me ru nọ emu o gbe ro te owhai akọ họ* evaọ ikpewho rai kpobi

Je ru nọ emu ọ rọ kare iwou rai kpobi;+

Rekọ wha zihe bru omẹ ze he,’+ ere Jihova ọ ta.

 7 ‘Me te je ru nọ oso ọ gbẹ rọ rrọ họ evaọ emerae esa taure oke ivuẹvu u te ti te;+

Me je ru oso rrọ evaọ okpẹwho jọ, rekọ ọ jẹ rrọ evaọ okpẹwho ọfa ha.

Oso ọ jẹ rrọ evaọ ẹwẹ-otọ jọ,

Rekọ ẹwẹ-otọ ọfa nọ oso ọ rrọ fihọ họ, ọ vẹ ya fia.

 8 Ahwo ikpewho ivẹ hayo esa a je kpo geli geli kpohọ okpẹwho ọvo nyae da ame,+

Yọ a jẹ da eva vọ họ;

Rekọ wha zihe bru omẹ ze he,’+ ere Jihova ọ ta.

Wha kọ egbọ gbe idhu evaene buobu,

Rekọ ebaka-ẹkpẹ e jẹ re ire ifigi gbe ire olivi rai no;+

Yọ wha zihe bru omẹ ze ghele he,’+ ere Jihova ọ ta.

Me ru ore-ogaga orọ evuẹ rai gbo ruọ ighogho-inwe rai;+

Rekọ wha zihe bru omẹ ze he,’ ere Jihova ọ ta.

11 ‘Mẹ rọ ọraha te owhai

Wọhọ ọraha nọ o te Sọdọm avọ Gomora.+

Wha tẹ wọhọ ete-ure nọ a fru no erae ze;

Rekọ wha zihe bru omẹ ze he,’+ ere Jihova ọ ta.

Keme enẹ me ti ru owhai,

Wha ruẹrẹ oma kpahe re wha rẹriẹ ovao dhe Ọghẹnẹ rai, O Izrẹl.

13 Keme rri! ọye họ Ọnọ ọ ma igbehru+ na jẹ ma ofou+ na;

Ọ rẹ ta iroro riẹ kẹ ohwo-akpọ,

O re zihe oke nọ o ke no ruọ ebi,+

Yọ ọ be nya eria ikpehru otọakpọ na;+

Jihova Ọghẹnẹ olori egbaẹmo họ odẹ riẹ.”