Aizaya

7 Whaọ evaọ edẹ Ehaz+ ọmọzae Jotam ọmọzae Uzaya, ovie Juda, Rizin ovie Siria avọ Pika+ ọmọzae Rẹmalaya, ovie Izrẹl a tẹ wọ ẹmo ze Jerusalẹm, rekọ ọ* sai fi ei kparobọ họ.+ 2 A tẹ niyẹrẹ kẹ uwou Devidi nọ: “Egbaẹmo Siria i kuomagbe egbaẹmo Ifremu no.”

Udu Ehaz avọ udu ahwo riẹ u te muhọ enuhu, wọhọ epaọ ire owhawho nọ i bi nuhu fiki ofou.

3 Jihova ọ tẹ ta kẹ Aizaya nọ: “Ivie, whẹ avọ Shiẹ-jeshọb*+ ọmọzae ra wha nyabru Ehaz evaọ obọ oka unu nọ ẹtẹre-ame obehru na+ o re ro su vrẹ na, onọ o rrọ akotọ edhere ologbo nọ o kpobọ otọ ọfọrọ-ehọ na. 4 Whọ rẹ ta kẹe hrọ inọ, ‘Daoma rọ udu kpotọ. Jọ ozọ u mu owhẹ hẹ, jọ udu u bru owhẹ gbe he fiki ehri ite-ire ivẹ nana nọ erae rai i bi fu no na, fiki ofu ọgaga Rizin gbe Siria jegbe ọmọzae Rẹmalaya.+ 5 Keme Siria avọ Ifremu gbe ọmọzae Rẹmalaya a ma omaa uyoma kpahe owhẹ no, inọ: 6 “Joma wọ ohọre bru Juda re ma bẹre iẹe ehehẹhẹ* jẹ rehọ iẹe* kẹ omamai, ma vẹ rehọ ọmọzae Tabiẹl mu ovie riẹ.”+

 7 “‘Enẹ Jihova Olori nọ Ọ Mai Kpehru na ọ ta:

10 Jihova ọ tẹ gbẹ jẹ ta ẹme kẹ Ehaz nọ: 11 “Yare oka jọ evaọ obọ Jihova Ọghẹnẹ ra;+ o sae jọ kokodo wọhọ Uki* hayo jọ kpekpehru wọhọ idadeghe na.” 12 Rekọ Ehaz ọ tẹ ta nọ: “Mẹ te yare he, yọ mẹ te dawo Jihova gbe he.”

13 Kẹsena Aizaya ọ tẹ ta nọ: “Ivie, wha gaviezọ, O uwou Devidi. Kọ ahwo-akpọ nọ wha be kpọ eva u gbe te? Kọ wha be jẹ kpọ Ọghẹnẹ eva re?*+ 14 Fikiere, Jihova omariẹ ọ te kẹ owhai oka: Rri! Uvovo-aye* na o ti dihọ, o ve ti yẹ ọmọzae,+ yọ o ti se odẹ riẹ Imanuẹl.*+ 15 Ebọta gbe ọnyọ ọ te re evaọ okenọ ọ tẹ riẹ epanọ a rẹ siọ oware uyoma jẹ salọ oware uwoma no. 16 Keme taure ọmọzae na ọ tẹ te riẹ epanọ a rẹ siọ oware uyoma jẹ salọ oware uwoma, yọ a gbabọkẹ ẹkwotọ ivie ivẹ nọ whọ be dhozọ rai na riẹriẹriẹ no.+ 17 Jihova o ti ru owhẹ gbe ahwo ra gbe uwou ọsẹ ra ruẹ oghẹrẹ etoke nọ o re jọ họ anwọ ẹdẹ nọ Ifremu ọ rọ hẹriẹ no Juda,+ keme O ti vi ovie Asiria ze.+

18 “Evaọ ẹdẹ yena, Jihova ọ te rọ oviọlọ se inyẹ nọ e rrọ iko-ame ithethabọ Naele Ijipti gbe ibi-enyọ nọ e rrọ ẹkwotọ Asiria, 19 aikpobi a te nyaze, a ve kiemu ikiekpotọ nọ i kuwhrẹrẹ na,* eria nọ e bẹre rovie fihọ evaọ igbehru-itho na, idhigbo na kpobi, jegbe eria kpobi nọ ame ọ rrọ na.

20 “Evaọ ẹdẹ yena, Jihova ọ te rọ ẹkwoma erezọbledi nọ a haya no obọ ubrotọ Ethẹ* na ze, koyehọ ẹkwoma ovie Asiria,+ rọ fọrọ eto uzou na gbe eto awọ na, yọ ọ te nware etuagba na kufiẹ re.

21 “Evaọ ẹdẹ yena, ohwo ọ te kẹ ọmọ eruẹ nọ ọ rrọ owa erao na gbe igodẹ ivẹ uvẹ re e jọ uzuazọ. 22 Yọ fikinọ ame-ivie eruẹ ọ te jọ buobu, ọ te re ebọta, keme ebọta gbe ọnyọ ohwo kpobi nọ o kiọkọ ẹkwotọ na ọ te re jẹ lalọ.

23 “Evaọ ẹdẹ yena, idhigbo gbe ẹbe ọvo e te jọ oria kpobi nọ evaene odu ọvo (1,000) nọ e ghare te ewẹ isiliva odu ọvo (1,000) e jẹ hae jọ. 24 Ahwo a te wha uze gbe ose kpohọ etẹe, keme idhigbo gbe ẹbe e te vọ ẹkwotọ na soso. 25 Yọ igbehru kpobi nọ a jẹ hae rehọ ẹwhẹ gbẹ, whọ te sae nya kẹle ae he fiki ozọ idhigbo gbe ẹbe; i ti zihe ruọ oria nọ iruẹ e rẹ jọ re ẹbe gbe oria nọ igodẹ i re thihi.”