Ẹvẹ Uwhu Jesu O Sai ro Siwi Omai?

Ma be raha uzi, be ruẹ uye, je bi whu fikinọ Adamu avọ Ivi a ghẹmeeyo kẹ Ọghẹnẹ.a Rekọ ma wo ẹruore. Jihova o siobọno Ọmọ riẹ, Jesu Kristi ze re o siwi omai no igbo uzioraha gbe uwhu. Ebaibol na ọ ta nọ Jesu o uwhu re ọ hwa osa ẹtanigbo. Ẹtanigbo yọ osa nọ a rẹ hwa re a sai siobọno ohwo. Oware nọ Jesu ọ rọ hwa osa na họ uzuazọ ogbagba riẹ evaọ okenọ ọ jọ ohwo-akpọ. (Se Matiu 20:28.) Jesu ọ rọ unevaze siobọno uvẹ nọ ọ hae sae rọ rria bẹdẹ bẹdẹ evaọ otọakpọ, ọ tẹ rọ enẹ rovie edhere nọ ma rẹ rọ wariẹ wo eware kpobi nọ Adamu avọ Ivi a kufiẹ na tobọ. Jesu o te je dhesẹ epanọ ọyomariẹ avọ Jihova a you omai te. Uwuhrẹ nana u ti fiobọhọ kẹ owhẹ nọ uwhu Jesu na o te rọ da owhẹ ẹro vi epaọ anwẹdẹ.

1. Ẹvẹ ma sai ro wo erere no uwhu Jesu ze enẹna?

Fikinọ mai yọ erahaizi, ma re ru eware buobu nọ e rẹ dha Jihova eva. Rekọ izieraha mai e tẹ ginẹ da omai, ma jẹ rọ odẹ Jesu Kristi lẹ se Jihova re ọ rọvrẹ omai, ma tẹ jẹ be daoma kpobi re ma gbẹ wariẹ iruthọ yena ha, ma rẹ sae jọ egbẹnyusu ekpekpe Ọghẹnẹ. (1 Jọn 2:1) Ebaibol na ọ ta nọ: “Kristi o whu ẹsiẹvo rọkẹ oke kpobi fiki izieraha ahwo, ohwo okiẹrẹe nọ o whu fiki ahwo nọ a kiẹrẹe he, re ọ ruẹsi su owhai bru Ọghẹnẹ.”​—1 Pita 3:18.

2. Ẹvẹ ma ti ro wo erere no uwhu Jesu ze evaọ obaro?

Jihova o vi Jesu ze re o siobọno uzuazọ ogbagba ohwo-akpọ riẹ “re ohwo kpobi nọ o fi ẹrọwọ họ [Jesu] o gbe whu hu rekọ o ve wo uzuazọ ebẹdẹ bẹdẹ.” (Jọn 3:16) Eva e be were omai gaga keme kẹle na Jihova o ti si eware iyoma kpobi nọ aghẹmeeyo Adamu ọ wha ze notọ. Fikiere nọ ma te fi ẹrọwọ họ idhe Jesu na, ma ti wo uvẹ nọ ma te rọ reawere uzuazọ bẹdẹ bẹdẹ evaọ aparadase otọakpọ!​—Aizaya 65:21-23.

GBE WUHRẸ EWARE EFA

3. Uwhu Jesu u si omai no igbo uzioraha gbe uwhu

Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.

IVIDIO: Fikieme Jesu O ro Whu?​—Abọ 1 (2:01)

1. Ohwo ọgbagba Adamu ọ jọ, rekọ ọ ghẹmeeyo kẹ Ọghẹnẹ, u te ru nọ ahwo-akpọ a rọ rrọ erahaizi je bi whu

2. Jesu ọ jọ ohwo ọgbagba nọ o yoẹme kẹ Ọghẹnẹ, o te rovie uvẹ fihọ nọ ahwo-akpọ a sae rọ wariẹ jọ gbagba jẹ rria bẹdẹ bẹdẹ

4. Uwhu Jesu o rẹ sae wha erere se ahwo kpobi

Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.

IVIDIO: Fikieme Jesu O ro Whu?​—Abọ avọ 2 (2:00)

5. Ẹtanigbo na yọ okẹ nọ Jihova ọ kẹ owhẹ

Egbẹnyusu Jihova a re rri ẹtanigbo na nọ okẹ nọ Jihova ọ kẹ rai. Wọhọ oriruo, se Ahwo Galesha 2:20, kẹsena wha vẹ ta ẹme kpahe onọ nana:

• Eme Pọl ukọ na ọ ta nọ u dhesẹ nọ o rri ẹtanigbo na nọ okẹ nọ Ọghẹnẹ ọ kẹ riẹ?

Nọ Adamu ọ thọ uzi, tei te emọ riẹ kpobi a tẹ reabe uwhu. Rekọ Jihova o te vi Ọmọ riẹ ze ti whu re whọ sai wo uvẹ nọ whọ rẹ rọ rria bẹdẹ bẹdẹ.

Nọ who bi se eria Ebaibol nana, daoma roro kpahe epanọ o da Jihova te okenọ Ọmọ riẹ ọ jẹ ruẹ uye. Se Jọn 19:1-7, 16-18, kẹsena wha vẹ ta ẹme kpahe onọ nana:

• Ẹvẹ who rri oware nọ Jihova avọ Jesu a ru kẹ owhẹ na?

EME WHO WUHRẸ NO?

Uwhu Jesu u ru rie lọhọ nọ Jihova ọ be rọ rehọ izieraha mai rọvrẹ omai, u te je ru omai wo uvẹ nọ ma te rọ reawere uzuazọ bẹdẹ bẹdẹ.

Ọkiẹkpemu

• Fikieme Jesu o ro whu?

• Oghẹrẹ vẹ uzuazọ ogbagba Jesu evaọ okenọ ọ jọ ohwo-akpọ o rọ jọ ẹtanigbo nọ o rrọ ẹrẹrẹe?

• Erere vẹ uwhu Jesu o rẹ sae wha se owhẹ?

KIẸ KPAHE EFA

Se kpahe oware nọ uzuazọ ogbagba Jesu evaọ okenọ ọ jọ ohwo-akpọ o rọ rrọ ẹtanigbo.

“Ẹvẹ Uwhu Jesu o rọ Rrọ ‘Ẹtanigbo kẹ Ahwo Buobu’?” (Uzoẹme nọ o rrọ itanẹte)

Se kpahe oware nọ ma re ru re ma sai no igbo uzioraha gbe uwhu.

“Oghẹrẹ Vẹ Jesu O ro Siwi Omai?” (Uzoẹme nọ o rrọ itanẹte)

Kọ Jihova ọ rẹ sae rọ izieraha ilogbo rọvrẹ ahwo?

“Enọ nọ Ebaibol Ọ Kẹ Iyo Rai” (Uwou-Eroro Na, Asoi 1, 2013)

Se kpahe epanọ idhe Kristi i ro fiobọhọ kẹ ọzae jọ nọ iroro eware nọ e via kẹe vrẹ no e jẹ kẹ uye.

“Ozighi Ọ jẹ Hae Were Omẹ” (Uzoẹme nọ o rrọ itanẹte)