Jesu ọ jẹ hai weze bru egbẹnyusu riẹ Lazarọs, Meri, gbe Mata gaga eva Bẹtani, “ole emaele ivẹ” kpohọ ofẹ ovatha-ọre ọ Jerusalẹm. (Jọn 11:1, 18; 12:1-11; Luk 10:38-42; 19:29; rri “Ẹkwotọ Jerusalẹm,” ẹwẹ-obe avọ 18.) Umutho edẹ jọ taure o te whu, Jesu ọ nya ofẹ Ugbehru Olivi na rọ ruọ Jerusalẹm. Dae jọ udu ra roro epanọ o ro dikihẹ re o rri okpẹwho na no ofẹ ukiediwo-ọre ze jẹ viẹ rọ kẹ e. (Luk 19:37-44) Ẹsejọhọ epanọ ọ ruẹ okpẹwho na whọ be ruẹ evaọ uwoho obehru orọ ẹwẹ-obe nọ ọ kẹle ọnana. Ọ tẹ rueva Jerusalẹm eva ehru ọmọ eketekete, ẹsejọhọ unuẹthẹ ofẹ ovatha-ọre okpẹwho na jọ ọ rọ rueva riẹ. Ogbotu ahwo a dede i rie wọhọ Ovie obaro ọrọ Izrẹl.—Mt 21:9-12.

Epanọ ofẹ ukiediwo-ọre riẹ o jọ nọ a te rri no Ugbehru Olivi ze evaọ edẹ Jesu