Izoge​—Wha “Wo Ajọwha kẹ Iruo Iwoma”

Evaọ ileta nọ Pọl ukọ na o kere se Taitọs, ọ ta nọ izoge wọhọ Taitọs a daoma “jọ oriruo ọrọ iruo iwoma evaọ kabọ kabọ.” (Tai 2:6, 7) Evaọ uzou ovo yena, Pọl ọ ta nọ Jesu o ti ru ahwo Jihova fo re a sai “wo ajọwha kẹ iruo iwoma.” (Tai 2:14) Iruo iwoma eyena jọ họ re a ta usi uwoma na je wuhrẹ ahwo kpahe Uvie Ọghẹnẹ. Whọ tẹ rrọ uzoge, kọ whọ gbẹ rehọ ẹgba uzoge ra na ru iruo ọkobaro obufihọ hayo ọrọ oke-kpobi?​—Itẹ 20:29.

Whọ tẹ gwọlọ jọ ọkobaro, daoma ruẹrẹ oke ra họ ziezi re whọ sai ru ei. (Luk 14:28-30) Wọhọ oriruo, kọ who ti ru iruo jọ nọ whọ te rọ rẹrote omara nọ who bi ru ọkobaro na? Kọ ẹvẹ whọ te sai ro ru euwa ra gba? Lẹ se Jihova re o fiobọhọ kẹ owhẹ. (Ol 37:5) Lele ọsẹgboni ra gbe inievo nọ e rrọ ọkobaro kri no ta kpahe iroro nọ whọ jẹ na. Ru epanọ who re ro le utee ra na te obọ. Nọ whọ be daoma ru iruo riẹ na, Jihova ọ te siọ owhẹ ba ẹghale he!

WHA RRI IVIDIO NA IZOGE NỌ E BE KẸ JIHOVA ADHẸẸ, KẸSENA WHA VẸ KIYO ENỌ NANA:

• Ebẹbẹ jọ vẹ ahwo jọ a fi kparobọ no re a sai ru ọkobaro, kọ ẹvẹ a sai ro ru ei?

• Ẹvẹ esẹgbini a sai ro fiobọhọ kẹ emọ rai re a sai ru ọkobaro oke-kpobi?

• Fikieme u ro wuzou re ohwo o wo omaa usi uwoma ota?

• Oghẹrẹ vẹ inievo ukoko na a sai ro fiobọhọ kẹ ọkobaro jẹ tuduhọ iẹe awọ?

• Eghale vẹ ekobaro a re wo?