UWUHRẸ 08
Whọ rẹ Sae Jọ Ogbẹnyusu Jihova
Jihova ọ gwọlọ nọ whọ riẹe ziezi. Fikieme? Keme o rẹro nọ whọ tẹ riẹ oghẹrẹ ohwo nọ ọ rrọ, epanọ o re ru eware, gbe ẹjiroro riẹ, ẹsiẹe whọ te mae rọ gwọlọ jọ ogbẹnyusu riẹ. Kọ whọ sae ginẹ jọ ogbẹnyusu Ọghẹnẹ? (Se Olezi 25:14.) Eme who re ru re whọ sae jọ ogbẹnyusu riẹ? Ebaibol na ọ kẹ iyo enọ yena, u te je dhesẹ oware nọ usu nọ who re mu kugbe Jihova o rọ rrọ usu nọ o mai woma kpaobọ.
1. Eme Jihova o zizie owhẹ nọ who ru?
‘Si kẹle Ọghẹnẹ, o re ti si kẹle owhẹ.’ (Jemis 4:8) Eme ọ be ta nọ who ru na? Jihova o bi zizie owhẹ nọ whọ jọ ogbẹnyusu riẹ. O rẹ sae jọ bẹbẹ kẹ ahwo jọ re a rọwo nọ a rẹ sae jọ ogbẹnyusu ohwo nọ a be ruẹ hẹ, kabikọ Ọghẹnẹ omariẹ. Rekọ Jihova ọ jọ Ebaibol na dhesẹ oware kpobi nọ u fo nọ ma rẹ riẹ kpahe oghẹrẹ ohwo nọ ọ rrọ re ma sai si kẹle iẹe. Dede nọ ma re ruẹ Jihova ẹdẹvo ho na, nọ ma te bi se eme riẹ nọ e rrọ Ebaibol na, o rẹ lẹliẹ usu nọ ma wo kugbei dhe ẹgẹga.
2. Fikieme Jihova ọ rọ rrọ Ogbẹnyusu nọ ọ mai woma nọ who re wo?
Jihova họ ọnọ ọ mai you owhẹ evaọ akpọ na. Ọ gwọlọ nọ who wo evawere, yọ ọ gwọlọ nọ who bo bru ei evaọ oke kpobi nọ whọ tẹ gwọlọ obufihọ. Whọ sai ‘gbolo awaọruọ ra kpobi kẹe, keme ọ be daezọ ra.’ (1 Pita 5:7) Jihova o re fiobọhọ kẹ egbẹnyusu riẹ ẹsikpobi, ọ rẹ sasa ae oma, jẹ gaviezọ kẹ ae.—Se Olezi 94:18, 19.
3. Eme Jihova ọ gwọlọ nọ egbẹnyusu riẹ a ru?
Jihova o you ahwo kpobi, “rekọ o wo usu okpekpe kugbe enọ i kiete.” (Itẹ 3:32) Jihova o re rẹro nọ egbẹnyusu riẹ a te daoma ru eware nọ o rri nọ i woma jẹ kẹnoma kẹ eware nọ o rri nọ i yoma. Ahwo jọ a re roro nọ izi Jihova e ga hrọ inọ a sai koko ai hi. Rekọ riẹ nọ Jihova o wo ohrọ-oriọ. Yọ ohwo kpobi nọ o gine you rie jẹ be daoma ru oware nọ o rẹ were iẹe, Jihova ọ rẹ jẹ ohwo yena rehọ.—Olezi 147:11; Iruẹru Ikọ 10:34, 35.
GBE WUHRẸ EWARE EFA
Gbe wuhrẹ kpahe epanọ whọ sae rọ jọ ogbẹnyusu Jihova, gbe oware nọ ọ rọ rrọ ogbẹnyusu nọ ọ mai woma nọ whọ rẹ sai wo.
4. Abraham ọ jọ ogbẹnyusu Jihova
Iku nọ a jọ Ebaibol na gbe kpahe Abraham (nọ a re je se Abram) u fiobọhọ kẹ omai riẹ oware nọ u dhesẹ re a jọ ogbẹnyusu Ọghẹnẹ. Se kpahe Abraham evaọ Emuhọ 12:1-4. Kẹsena wha vẹ ta ẹme kpahe enọ nana:
Eme Jihova ọ ta kẹ Abraham nọ o ru?
Eyaa vẹ Jihova ọ ya kẹe?
Eme Abraham o ru kpahe oware nọ Jihova ọ ta kẹe?
5. Oware nọ Jihova ọ ta nọ egbẹnyusu riẹ a ru
U wo eware jọ nọ ma re rẹro rai mi egbẹnyusu mai.
Eware jọ vẹ whọ gwọlọ nọ egbẹnyusu ra a ru kẹ owhẹ?
Se 1 Jọn 5:3, kẹsena wha vẹ ta ẹme kpahe onọ nana:
Eme Jihova o bi rẹro riẹ mi egbẹnyusu riẹ?
Re ma sai yoẹme kẹ Jihova, o sae gwọlọ nọ ma nwene uruemu mai hayo oghẹrẹ ohwo nọ ma rrọ. Se Aizaya 48:17, 18, kẹsena wha vẹ ta ẹme kpahe onọ nana:
Fikieme Jihova ọ rọ gwọlọ nọ egbẹnyusu riẹ a re nwene uruemu rai?
Emamọ ogbẹnyusu ọ rẹ vuẹ omai eware nọ e rẹ sae thọ omai je fiobọhọ kẹ omai. Ere ọvona Jihova o re ru kẹ egbẹnyusu riẹ re
6. Oware nọ Jihova o re ru kẹ egbẹnyusu riẹ
Jihova o re fiobọhọ kẹ egbẹnyusu riẹ thihakọ ebẹbẹ rai. Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
Ẹvẹ Jihova o bi ro fiobọhọ kẹ aye nọ a dhesẹ evaọ ividio na nọ ọ be sae rọ siọ ekpehre iroro nọ e be kẹe uye ba eroro?
Se Aizaya 41:10, 13, kẹsena wha vẹ ta ẹme kpahe enọ nana:
Eme Jihova ọ ya eyaa nọ o ti ru kẹ egbẹnyusu riẹ kpobi?
Kọ who roro nọ Jihova ọ te jọ emamọ ogbẹnyusu nọ who te mu usu kugbei? Fikieme whọ rọ ta ere?
Egbẹnyusu ekpekpe ra a re fiobọhọ kẹ owhẹ nọ whọ tẹ gwọlọ obufihọ. Jihova o ti fiobọhọ kẹ owhẹ re
7. Re ma sae jọ ogbẹnyusu Jihova, o gwọlọ nọ ma rẹ hae ta ẹme kugbei
Nọ egbẹnyusu a tẹ be hae ta ẹme kugbe ohwohwo, u re ru nọ usu rai o rẹ rọ ga ziezi. Se Olezi 86:6, 11, kẹsena wha vẹ ta ẹme kpahe enọ nana:
Ẹvẹ ma sae rọ ta ẹme kugbe Jihova?
Kọ ẹvẹ Jihova ọ rẹ rọ ta ẹme kẹ omai?
Olẹ ma rẹ rọ ta ẹme kugbe Jihova; Ebaibol na ọ rẹ rọ ta ẹme kẹ omai
AHWO JỌ A RẸ TA NỌ: “Ohwo ọvo ọ rẹ sae jọ ogbẹnyusu Ọghẹnẹ hẹ.”
Oria Ebaibol vẹ whọ rẹ sai se ro dhesẹ nọ ma rẹ sae jọ ogbẹnyusu Ọghẹnẹ?
EME WHO WUHRẸ NO?
Jihova ọ gwọlọ jọ ogbẹnyusu ra, yọ o ti fiobọhọ kẹ owhẹ re who si kẹle iẹe.
Ọkiẹkpemu
Ẹvẹ Jihova o re ro fiobọhọ kẹ egbẹnyusu riẹ?
Fikieme Jihova ọ rọ ta nọ egbẹnyusu riẹ a nwene uruemu rai?
Kọ who roro nọ eware nọ Jihova ọ gwọlọ mi egbẹnyusu riẹ e ga hrọ? Fikieme whọ rọ ta ere, hayo kọ fikieme who gbe ro roro ere he?
KIẸ KPAHE EFA
Ẹvẹ usu nọ who re mu kugbe Ọghẹnẹ o sai ro ru uzuazọ ra woma?
“Jihova Yọ Ọghẹnẹ nọ U Fo nọ A rẹ Riẹ” (Uwou-Eroro Na, Ava 15, 2003)
Wuhrẹ epanọ whọ sae rọ jọ ogbẹnyusu Ọghẹnẹ.
“Ẹvẹ mẹ sae rọ jọ ogbẹnyusu Ọghẹnẹ?” (Questions Young People Ask—Answers That Work, Uko avọ 2, uzou avọ 35)
Se kpahe oware nọ o lẹliẹ aye jọ ta nọ usu nọ o wo kugbe Jihova u ru uzuazọ riẹ woma.
Gaviezọ kẹ eme nọ izoge jọ a ta kpahe oghẹrẹ nọ a rri Jihova.