Juli

Yéhuwah mènèhi manungsa kemampuan kanggo ngomong. Tapi sakwisé Adam karo Hawa diciptakké, mulai ana sing omongané ora sesuai karo karepé Yéhuwah. Sétan si Iblis ngapusi Hawa, lan kuwi nyebabké manungsa dadi dosa lan ora sampurna. (PD. 3:​1-4) Adam ora ngakoni kesalahané lan malah nyalahké Hawa karo Yéhuwah. (PD. 3:12) Sakliyané kuwi, Kain ngapusi Yéhuwah sakwisé matèni Habèl adhiné. (PD. 4:9) Saiki, akèh wong sing omongané kasar. Nèk ora ngati-ati, awaké dhéwé isa terbiasa karo kata-kata sing kasar lan malah mèlu-mèlu ngomong kasar. Awaké dhéwé mesthiné péngin nyenengké Yéhuwah. Dadi, awaké dhéwé ora péngin ngomong kasar. Awaké dhéwé ya péngin bèn omongané awaké dhéwé isa ngluhurké Yéhuwah. w22.04 4 ¶1-3

Yésus nduwé pandhangan sing bener soal harta. (Luk. 19:​2, 6, 7) Misalé, pas diundang mangan ing omahé wong sugih, Yésus gelem teka. Yésus tau nggawé mukjijat ngubah banyu dadi anggur sing apik. (Yoh. 2:​10, 11) Yésus ya nduwé klambi njero sing kualitasé apik. (Yoh. 19:​23, 24) Meskipun ngono, Yésus ngerti nèk harta kuwi dudu sing paling penting. Yésus kandha nèk awaké dhéwé ngutamakké Kerajaané Gusti Allah, Yéhuwah mesthi bakal nyukupi kebutuhané awaké dhéwé. (Mat. 6:​31-33) Akèh sing ngrasakké manfaaté merga ora ngutamakké harta. Gatèkna pengalamané Sedulur Daniel. Dhèwèké crita ngéné, ”Kèt isih remaja, aku péngin ngutamakké Yéhuwah.” Merga Daniel fokus nglayani Yéhuwah, dhèwèké isa kerja ing Bètel lan mbantu sedulur-sedulur sing kena bencana alam. Terus dhèwèké ngomong, ”Aku bahagia banget merga wis ngutamakké Yéhuwah. Rasa bahagia iki luwih berharga timbang nduwé dhuwit sing akèh.” w22.05 21-22 ¶6-7

Awaké dhéwé kudu terus sinau Alkitab lan bacaan-bacaan saka organisasi. Kuwi bukti nèk awaké dhéwé gelem manut karo apa sing bener. Ora soal awaké dhéwé lagi waé utawa wis suwé dadi umaté Yéhuwah, mesthi isih ana akèh sing isa dipelajari. Mémang, sinau Alkitab kadhang ora gampang. Tapi, kuwi akèh manfaaté. Ora kabèh umaté Yéhuwah seneng maca lan sinau. Tapi, Yéhuwah péngin awaké dhéwé ’terus nggolèki’ lan ’terus nggali’ pengetahuan sing bener. (WB. 2:​4-6) Kuwi ana manfaaté. Sedulur lanang sing jenengé Corey nyritakké piyé carané dhèwèké sinau Alkitab. Dhèwèké kandha, ”Aku maca Alkitabé ora kesusu. Kabèh cathetan ngisor karo réferènsi silangé ya tak waca. . . . Terus, aku ya nggolèk katrangan luwih akèh ing bacaan-bacaan saka organisasi soal ayat kuwi. Jebulé, ana akèh sing aku durung ngerti. Aku seneng banget sinau nganggo cara iki.” Mémang, njenengan ora kudu niru persis carané sinau Sedulur Corey mau. Sing penting, njenengan ngupaya tenanan sinau Alkitab. Kuwi bukti nèk njenengan gelem manut karo apa sing bener.—Mzm. 1:​1-3. w22.08 17 ¶13; 18 ¶15-16

Pas ing bumi, Yésus mulang murid-muridé liwat ciptaan. Gatèkna salah siji contoné. Yéhuwah sayang karo kabèh wong. Pas Ceramah ing Gunung, Yésus nyebutké soal matahari lan udan. Mémang kétoké kuwi sepélé, tapi sakjané penting bèn awaké dhéwé isa tetep urip. Yéhuwah nggawé matahari lan udan kanggo kabèh wong. Kuwi bukti nèk Yéhuwah sayang karo kabèh wong. (Mat. 5:​43-45) Yésus péngin awaké dhéwé niru Yéhuwah. Dadi, wektu ndelok matahari utawa udan, awaké dhéwé ngerti nèk Yéhuwah ora mbédak-mbédakké. Kuwi nggawé awaké dhéwé dadi péngin nginjil karo kabèh wong. w23.03 17 ¶9-10

Rasul Yohanes ndelok ana ”pelacur gedhé” sing lungguh ing ndhuwuré kéwan buas sing wernané abang mbranang. Pas ndelok kuwi, Yohanes ”nggumun banget”. Pelacur kuwi jenengé ”Babilon Gedhé”, lan dhèwèké ”hubungan sèks sing ora pantes” karo ”raja-raja ing bumi”. (Why. 17:​1-5) ”Babilon Gedhé” kuwi sapa? Pelacur kuwi lungguh ndhuwuré kéwan buas. Kuwi berarti dhèwèké péngin nguwasani para pemimpin. (Why. 18:9) Dadi, pelacur kuwi ora mungkin nggambarké organisasi politik. Pelacur kuwi ya ora isa nggambarké sistem perdagangan ing donyané Sétan merga kuwi digambarké kaya ”para pedagang ing bumi”. (Why. 18:​11, 15, 16) Mbiyèn, kutha Babilon dadi pusaté agama palsu. Mula, Babilon Gedhé cocog nggambarké kabèh agama palsu sak donya.—Why. 17:​5, 18. w22.05 11 ¶14-16

Kadhang, sedulur-sedulur wédok sing wis nduwé anak kuwatir apa anaké bakal nglayani Yéhuwah. Apa manèh, saiki ana akèh pengaruh èlèk saka donyané Sétan. Terus, ya ana sedulur-sedulur wédok sing kudu ndhidhik anaké dhèwèkan merga bojoné wis mati utawa bojoné dudu Seksi Yéhuwah. Pancèn, ndhidhik anak-anak kuwi ora gampang. Sedulur-sedulur sing kudu nggedhèkké anak dhèwèkan utawa wong tuwa sing loro-loroné nyembah Yéhuwah ya tetep butuh upaya kanggo mbantu anak-anaké bèn sayang karo Yéhuwah. Tapi, aja terlalu kuwatir. Yéhuwah mesthi bakal mbantu njenengan. Terus, ing jemaaté njenengan mesthi ya ana wong tuwa sing pengalaman ndhidhik anak-anaké. Njenengan isa takon sedulur-sedulur kuwi bèn isa éntuk saran-saran sing cocog kanggo ibadah keluarga. (WB. 11:14) Njenengan ya isa ndonga bèn Yéhuwah mbantu njenengan ngerti pikiran lan perasaané anak-anak.—WB. 20:5. w22.04 17 ¶4, 7; 18 ¶9

Yésus nduwé sipat-sipat sing padha karo Gusti Allah. (Ibr. 1:3) Dadi nèk sinau soal dhèwèké, awaké dhéwé dadi tambah sayang karo Yéhuwah. Piyé carané? Awaké dhéwé isa maca kisahé Yésus sing dicathet ing Kitab Injil. Nèk durung nduwé kebiasaan maca Alkitab saben dina, njenengan isa mulai maca saka Kitab Injil. Nèk nggatèkké Kitab Injil, njenengan isa ngerti sipat-sipaté Yésus. Yésus gampang dicedhaki, termasuk karo bocah-bocah. (Mrk. 10:​13-16) Murid-muridé ya ora wedi nèk arep ngomongké soal apa sing dipikirké. (Mat. 16:22) Yésus bener-bener kaya Yéhuwah. Yéhuwah ya gampang dicedhaki. Wektu ndonga, awaké dhéwé isa bébas nyritakké perasaané awaké dhéwé karo Yéhuwah. Awaké dhéwé ya isa yakin nèk Yéhuwah ora bakal nyalahké awaké dhéwé. Yéhuwah sayang lan perduli banget karo awaké dhéwé.—1 Ptr. 5:7. w22.08 3 ¶4-5

Yéhuwah kuwi Penciptané awaké dhéwé. Dhèwèké ngerti perasaan lan pikirané awaké dhéwé. Yéhuwah ya ngerti awaké dhéwé wong sing kaya apa lan ngerti apa kelemahané awaké dhéwé. (Mzm. 139:​15-17) Yéhuwah ngerti kabèh sing wis tau awaké dhéwé alami lan ngerti nèk kuwi isa mempengaruhi sipat-sipaté awaké dhéwé. Mula merga ngerti kuwi kabèh, Yéhuwah dadi ngrasa mesakké lan péngin mbantu awaké dhéwé. (Mzm. 78:39; 103:​13, 14) Yéhuwah gelem ngapura awaké dhéwé. Apa buktiné? Merga Adam ora manut karo Yéhuwah, kabèh keturunané dadi dosa lan akhiré mati. (Rm. 5:12) Merga kabèh keturunané ora ana sing sampurna, ora ana keturunané Adam sing isa dadi tebusan bèn manungsa isa urip saklawasé. (Mzm. 49:​7-9) Tapi merga sayang, Yéhuwah nyedhiakké tebusan kanggo awaké dhéwé. Ing Yohanes 3:16 disebutké nèk Yéhuwah mènèhké Yésus Anaké siji-sijiné dadi tebusan.—Mat. 20:28; Rm. 5:19. w22.06 3 ¶5-6

Wong sing ngapura bakal diapura. Awaké dhéwé isa ngerti soal kuwi saka kisahé Ayub. Ayub lara ati banget merga omongané kanca-kancané. Bar kuwi, Yéhuwah ngongkon Ayub ndongakké kanca-kancané kuwi. Merga Ayub gelem mesakké kanca-kancané, Yéhuwah ngrasa mesakké lan mènèhi Ayub berkah sing akèh. (Ayb. 42:​8-10) Terus-terusan jèngkèl ora ana manfaaté. Nèk terus-terusan jèngkèl, ora bakal tenang uripé. Yéhuwah ora péngin awaké dhéwé kaya ngono. (Éf. 4:​31, 32) Mulané Yéhuwah ngomong, ”Aja nesu, lan aja ngamuk.” (Mzm. 37:8) Apa akibaté nèk terus-terusan jèngkèl? Awaké dhéwé bakal lara lan ora bahagia. (WB. 14:30) Kuwi ya ora ana gunané kanggo wong sing nggawé jèngkèl. Terus-terusan jèngkèl kaya ngombé racun. Nèk awaké dhéwé sing ngombé racun, ora mungkin wong liya sing keracunan, ta? Tapi nèk gelem ngapura, kuwi manfaaté ya kanggo awaké dhéwé. Awaké dhéwé isa ngrasa ayem lan terus semangat nglayani Yéhuwah. w22.06 10 ¶9-10

Nèk terus mikirké harapan urip saklawasé, awaké dhéwé bakal ngati-ati bèn ora mikirké kepentingané dhéwé lan akhiré dadi ora cedhak manèh karo Yéhuwah. (1 Kor. 15:​33, 34) Nèk terus mikirké harapan urip saklawasé, awaké dhéwé mesthi ya bakal ngupaya nyenengké Yéhuwah. Mbiyèn Èlifaz tau ngomong karo Ayub, ’Apa mungkin manungsa isa dianggep suci? Lha wong Gusti Allah waé ora percaya karo para malaékaté, malah swarga waé ya ora dianggep suci karo Gusti Allah.’ (Ayb. 15:​14, 15) Kuwi pikiran sing salah. Sétan péngin awaké dhéwé mikir kaya ngono. Sétan ngerti nèk awaké dhéwé mikir kaya ngono, awaké dhéwé dadi ora percaya manèh karo harapan sing dijanjèkké Yéhuwah. Mula, aja gelem dipengaruhi karo pandhangan sing salah. Yéhuwah bener-bener péngin awaké dhéwé urip saklawasé lan bakal mbantu awaké dhéwé.—1 Tim. 2:​3, 4. w22.10 25-26 ¶8-10

Sétan péngin Ayub percaya nèk dhèwèké lagi dihukum Yéhuwah. Misalé, pas anak-anaké Ayub lagi mangan, Sétan nggawé ana angin gedhé. Terus, omah sing dienggo ngumpul anak-anaké Ayub kuwi ambruk. (Ayb. 1:​18, 19) Bar kuwi, Sétan nggawé geni mudhun saka langit, terus nyamber lan ngobong ternak-ternaké lan pembantu-pembantuné Ayub nganti ludhes. (Ayb. 1:16) Merga sakdurungé ora tau ana kejadian kaya ngéné, Ayub mungkin nganggep nèk kuwi saka Yéhuwah. Ayub ya mikir nèk dhèwèké wis nggawé Yéhuwah nesu. Tapi, Ayub tetep ora gelem ngomong sing ora bener soal Yéhuwah. Dhèwèké ngomong nèk Gusti Allah isa mènèhi sing apik lan sing èlèk lan awaké dhéwé kudu gelem nampa kuwi kabèh. Dadi Ayub ngomong, ”Muga-muga jenengé Yéhuwah terus dimulyakké.”—Ayb. 1:​20, 21. w22.06 21 ¶7

Kaya sing ditulis ing Yohanes 17:​14, Yésus tau ngomong nèk murid-muridé bakal disengiti. Ramalan kuwi saiki wis kelakon. Ora suwé sakwisé Yésus dadi Raja taun 1914, Sétan diuncalké saka swarga. (Why. 12:​9, 12) Sétan nesu banget. Dhèwèké ngerti nèk sedhéla manèh bakal disingkirké. Dhèwèké saiki ana ing bumi lan mempengaruhi wong-wong bèn sengit karo umaté Yéhuwah. (Why. 12:​13, 17) Mulané jaman saiki, akèh sing sengit karo awaké dhéwé. Tapi, awaké dhéwé ora perlu wedi. Kaya Rasul Paulus, awaké dhéwé isa yakin, ”Nèk Gusti Allah mihak awaké dhéwé, sapa sing isa menang nglawan awaké dhéwé?” (Rm. 8:31) Dadi percayaa karo Yéhuwah. w22.07 18 ¶14-15

Yésus yakin nèk bakal ana wong-wong sing gelem martakké kabar apik nganti akhir jaman. Dhèwèké ngerti nèk ramalan sing dicathet ing Mazmur 110:3 mesthi bakal kelakon. Ing ramalan kuwi disebutké, ”Wektu kowé mimpin pasukanmu kanggo perang, rakyatmu bakal réla dadi prajuritmu.” Nèk mèlu nginjil, kuwi berarti njenengan ndhukung Yésus lan budhak sing setya. Kuwi ya bukti nèk ramalan ing Mazmur 110:3 kelakon. Tapi, martakké kabar apik kuwi ora selalu gampang. Awaké dhéwé isa waé disengiti wong liya. Wong-wong murtad, para pemimpin agama, lan para pemimpin politik isa waé nyebarké berita sing ora bener soal Seksi Yéhuwah. Isa waé ana keluarga utawa kanca kerjané awaké dhéwé sing percaya karo berita kuwi. Akibaté, wong-wong kuwi mungkin meksa awaké dhéwé bèn ora nglayani Yéhuwah manèh lan mandheg nginjil. Ing beberapa negara, umaté Yéhuwah ana sing diancam, ditangkep, utawa dipenjara wektu nginjil. w22.07 8 ¶1; 9 ¶5-6

Awaké dhéwé kudu nyedhiakké wektu kanggo maca Alkitab saben dina lan ngrenungké isiné. Kuwi ya kudu ditrapké. Nèk ngetrapké sing wis dipelajari, awaké dhéwé bakal semakin percaya lan tambah cedhak karo Yéhuwah. Hasilé, awaké dhéwé ora bakal nyerah pas ana masalah. Terus nèk manut karo pathokan ing Alkitab, Yéhuwah bakal mènèhi roh suciné. Hasilé, awaké dhéwé isa nduwé ”kekuwatan sing luar biasa” kanggo ngadhepi masalah apa waé. (2 Kor. 4:​7-10) ”Budhak sing setya lan wicaksana” wis nyedhiakké akèh bacaan, vidéo, lan lagu-lagu bèn imané awaké dhéwé dadi tambah kuwat. (Mat. 24:45) Yéhuwah péngin umaté saling nresnani lan saling nguwatké. (2 Kor. 1:​3, 4; 1 Tés. 4:9) Sedulur-sedulur mesthi péngin mbantu awaké dhéwé bèn tetep setya wektu ana masalah. w22.08 12-13 ¶12-14

Wektu omong-omongan karo para sedulur, awaké dhéwé isa nyebutké sipat-sipat apiké sedulur-sedulur. Hasilé, sedulur-sedulur kuwi isa ngrasa disayangi lan dadi luwih akrab karo awaké dhéwé lan sedulur-sedulur liyané. Kadhang, sedulur-sedulur sing wis pengalaman isa béda pendapat lan akhiré padu. Mbiyèn, Rasul Paulus lan Barnabas ya tau padu. Paulus ora péngin ngejak Markus nginjil bareng. Tapi, Barnabas péngin banget ngejak Markus. Akhiré, Paulus karo Barnabas ”padu nganti wong loro kuwi pisah”. (Kis. 15:​37-39) Tapi Paulus, Barnabas, karo Markus isa ngrampungké masalahé lan rukun manèh. Paulus ya ora tau ngèlèk-èlèk Barnabas karo Markus. (1 Kor. 9:6; Kol. 4:10) Awaké dhéwé isa niru Paulus. Nèk nduwé masalah karo sedulur liya, kudu cepet dirampungké. Ngupayaa luwih nggatèkké sipat-sipat apiké sedulur-sedulur. Kuwi bukti nèk awaké dhéwé péngin sedulur-sedulur ing jemaat tetep rukun lan bersatu. w22.08 22 ¶10-11

Kabèh umaté Yéhuwah lagi ngupaya bèn isa manut pathokané Yéhuwah. Dadi, aja mbandhing-mbandhingké awaké dhéwé karo sedulur liya lan ngrasa nèk luwih apik timbang dhèwèké. Yéhuwah kuwi ”Hakimé bumi”. (PD. 18:25) Dadi, mung Yéhuwah sing nduwé hak ngadili wong. Gatèkna pengalamané Yusuf. Dhèwèké ora mikir sing èlèk soal wong-wong sing njahati dhèwèké. Kakang-kakangé Yusuf tau mèh matèni dhèwèké, ngedol dhèwèké dadi budhak, lan kandha karo bapaké nèk dhèwèké wis mati. Bertahun-tahun bar kuwi, Yusuf ketemu manèh karo kakang-kakangé. Tapi, Yusuf ora péngin balas dendam utawa nganggep nèk kakang-kakangé kuwi wong sing jahat. Mémang, kakang-kakangé Yusuf menyesal karo perbuatané. Tapi, wong-wong kuwi wedi nèk Yusuf bakal balas dendam. Mula Yusuf kandha, ”Aja wedi. Aku dudu Gusti Allah sing isa ngadili kowé.” (PD. 37:​18-20, 27, 28, 31-35; 50:​15-21) Yusuf rendah hati lan kandha nèk mung Yéhuwah sing nduwé hak ngadili kakang-kakangé. w22.08 30 ¶18-19

Yéhuwah isa mbantu umaté sing lagi susah liwat sedulur-sedulur seiman. Ora soal njenengan pinituwa, abdiné jemaat, perintis, penginjil, tuwa, utawa enom, njenengan isa dadi jawaban dongané sedulur-sedulur sing lagi susah. Yéhuwah kerep ”menghibur” umaté sing lagi susah liwat para pinituwa utawa sedulur-sedulur liyané. (Kol. 4:11) Njenengan mesthi seneng isa mbantu sedulur-sedulur pas lagi ana wabah penyakit, bencana alam, lan pas sedulur-sedulur kuwi dianiaya. Mbantu sedulur-sedulur mungkin ora gampang, apa manèh nèk keluargané awaké dhéwé ya lagi susah. Tapi, awaké dhéwé mesthi péngin mbantu sedulur-sedulur merga kuwi nggawé Yéhuwah seneng.—WB.19:17. w22.12 22 ¶1-2

Bèn dadi wong sing isa dipercaya, awaké dhéwé kudu nduwé katresnan. Yésus tau kandha nèk murid-muridé kudu nresnani Yéhuwah lan wong liya. (Mat. 22:​37-39) Nèk nresnani Yéhuwah, awaké dhéwé mesthi péngin niru Yéhuwah sing isa dipercaya. Awaké dhéwé ya kudu nresnani sedulur-sedulur. Contoné, awaké dhéwé ora bakal nyritakké informasi soal salah siji sedulur sing wong liya ora perlu ngerti. Awaké dhéwé mesthi ora péngin sedulur kuwi dadi isin, sedhih, utawa lara ati. Kuwi sebabé awaké dhéwé bakal ngupaya bèn dadi wong sing isa dipercaya merga nresnani Yéhuwah. Bèn isa dipercaya, ya kudu rendah hati. Kok isa? Wong sing rendah hati mesthi ora péngin dadi sing pertama sing nyebarké informasi tertentu. (Flp. 2:3) Dhèwèké ora péngin wong liya nganggep nèk dhèwèké sing paling ngerti kabèh informasi. Wong sing rendah hati ya ora péngin nggawé wong liya mikir nèk dhèwèké nduwé informasi penting sing ora isa dicritakké. Dhèwèké ya ora bakal nyebarké pandhangané dhéwé, apa manèh nèk kuwi ora disebutké ing Alkitab utawa bacaan-bacaan saka organisasi. w22.09 12 ¶12-13

Danièl tau dikandhani karo malaékat nèk umaté Gusti Allah bakal ngrasakké ramalan kuwi kelakon. Tapi, ”ora ana wong jahat sing bakal ngerti perkara-perkara iki”. (Dan. 12:10) Ora kaya wong sing jahat, awaké dhéwé kudu terus manut karo Yéhuwah. (Mal. 3:​16-18) Yéhuwah nganggep wong-wong sing manut kuwi ’duwèké sing istiméwa’. Dadi kanggoné Yéhuwah, wong-wong kuwi berharga banget. Awaké dhéwé mesthi péngin dianggep berharga karo Yéhuwah. Akèh ramalan ing Alkitab sing wis kelakon jaman saiki. Tapi, isih ana manèh sing bakal kelakon sukmbèn. Ora suwé manèh, wong jahat disingkirké. Awaké dhéwé mesthi ya péngin janjiné Yéhuwah karo Danièl kelakon. Yéhuwah janji, ”Kowé bakal tangi kanggo nampa bagéanmu ing akhir jaman.” (Dan. 12:13) Apa njenengan péngin ketemu karo Danièl lan wong-wong sing njenengan sayangi pas wong-wong kuwi ”tangi”? Nèk iya, njenengan kudu ngupaya sak isa-isané terus setya bèn jenengé njenengan isa terus ana ing buku kehidupan. w22.09 24 ¶17; 25 ¶19-20

Bar krungu omongané Yéhuwah kuwi, Yèhèzkièl mesthi ngrasa dikuwatké. Lha ngapa? Omongané Yéhuwah kuwi mèh padha kaya pas Yéhuwah ngutus Musa karo Yésaya. (Pa. 3:10; Yés. 6:8) Yèhèzkièl ya ngerti nèk Yéhuwah mbantu wong loro kuwi. Dadi, dhèwèké yakin nèk Yéhuwah mesthi ya bakal mbantu dhèwèké. Apa buktiné Yèhèzkièl yakin nèk dhèwèké diutus karo Yéhuwah? Ing bukuné, Yèhèzkièl bola-bali nyathet ”Yéhuwah kandha marang aku” lan ”Yéhuwah ngomong manèh marang aku”. (Yèh. 3:16; 6:1) Sakliyané kuwi, bapaké Yèhèzkièl kuwi imam. Dadi, Yèhèzkièl mesthi dikandhani karo bapaké nèk Yéhuwah mesthi ndhukung umaté. Misalé, Yéhuwah tau ngomong karo Ishak, Yakub, lan Yérémia nèk bakal ”ndhukung” wong-wong kuwi.—PD. 26:24; 28:15; Yér. 1:8. w22.11 3 ¶3

Merga Adam lan Hawa nggawé dosa, kabèh keturunané dadi mèlu dosa lan akhiré mati. Tapi, kepénginané Yéhuwah ora berubah. (Yés. 55:11) Yéhuwah isih péngin manungsa urip saklawasé. Apa buktiné? Yéhuwah janji bakal nguripké manèh wong-wong sing wis mati lan mènèhi harapan urip saklawasé kanggo wong-wong kuwi. (Kis. 24:15; Tit. 1:​1, 2) Mbiyèn, Ayub tau kandha nèk Yéhuwah kangen karo abdiné sing wis mati lan bakal nguripké manèh wong kuwi. (Ayb. 14:​14, 15) Nabi Danièl ya ngerti nèk manungsa sing wis mati bakal diuripké manèh lan nduwé harapan urip saklawasé. (Mzm. 37:29; Dan. 12:​2, 13) Terus, wong-wong Yahudi ing jamané Yésus ngerti nèk umaté Yéhuwah sukmbèn isa ”urip saklawasé”. (Luk. 10:25; 18:18) Yésus dhéwé bola-bali nyebutké soal janji kuwi, lan pas mati, dhèwèké ya diuripké manèh karo Yéhuwah.—Mat. 19:29; 22:​31, 32; Luk. 18:30; Yoh. 11:25. w22.12 4-5 ¶8-9

Yéhuwah péngin awaké dhéwé cedhak karo Dhèwèké. (Yak. 4:8) Yéhuwah kuwi Gusti Allah, Bapak, lan Kancané awaké dhéwé. Yéhuwah ya ngrungokké donga lan mesthi mbantu pas ana masalah. Liwat organisasiné, Yéhuwah mulang lan mbantu awaké dhéwé bèn cedhak karo Dhèwèké. Bèn isa cedhak karo Yéhuwah, kudu ndonga, maca Alkitab, terus ngrenungké kuwi. Merga ngerti nèk Yéhuwah kuwi mémang pantes dipuji lan disembah, awaké dhéwé mesthi ora bakal ngrasa nèk manut karo Yéhuwah kuwi dadi beban. (Why. 4:11) Nèk tambah kenal karo Yéhuwah, awaké dhéwé mesthi isa tambah percaya karo Dhèwèké lan organisasiné. Sétan péngin awaké dhéwé ora percaya manèh karo Yéhuwah lan organisasiné. Tapi, nèk terus percaya karo Yéhuwah lan nduwé iman sing kuwat, awaké dhéwé mesthi isa terus nglayani Yéhuwah.—Mzm. 31:​13, 14. w22.11 14-15 ¶1-3

Kèt mbiyèn nganti saiki, mesthi ana umaté Yéhuwah sing terus setya meskipun keadaané angèl. Wong-wong kuwi terus setya merga sayang karo Yéhuwah, malah ana sing gelem ngorbanké nyawané. Wong-wong kuwi kaya wong telu Ibrani sing tetep setya karo Gusti Allah sing Mahaluhur. Merga tetep setya, wong telu kuwi dislametké saka ruang pembakaran. Sing nulis Mazmur tau kandha soal Yéhuwah, ”Pas Dhèwèké ngadili umaté, Dhèwèké ngundang langit lan bumi bèn dadi seksi. Dhèwèké ngomong, ’Kumpulna para abdi-Ku sing setya.’” (Mzm. 50:​4, 5) Ing ayat liyané, Daud tau nulis, ”Yéhuwah seneng karo tumindak sing adil, lan Dhèwèké ora bakal ninggalké wong sing setya. Wong kuwi bakal terus dilindhungi.” (Mzm. 37:28) Kuwi sebabé, awaké dhéwé kudu terus setya karo Yéhuwah ora soal apa sing kelakon. Awaké dhéwé ya isa ngrasakké nèk para abdiné Yéhuwah sing setya bakal ”sorak-sorak merga seneng”.—Mzm. 132:9. w22.10 17 ¶18-19

Ayub mesthi ora bakal lali pas omong-omongan karo Yéhuwah. Yéhuwah crita soal ciptaan karo Ayub bèn Ayub ngerti nèk Yéhuwah kuwi wicaksana lan isa dipercaya. Misalé, Yéhuwah isa ngopèni kéwan-kéwan. Dadi, Yéhuwah mesthi isa ngopèni Ayub. (Ayb. 38:​39-41; 39:​1, 5, 13-16) Merga nggatèkké ciptaané Yéhuwah, Ayub dadi tambah kenal karo Yéhuwah. Nèk nggatèkké ciptaan, awaké dhéwé ya dadi isa tambah kenal karo Yéhuwah. Tapi kuwi mungkin ora gampang. Misalé, sing manggon ing kutha mungkin ora isa kerep ndelok ciptaan. Bahkan sing manggon ing désa mungkin ngrasa ora nduwé wektu kanggo nggatèkké ciptaan. Tapi, nggatèkké ciptaan kuwi akèh manfaaté. w23.03 15 ¶1-2

Yésus ngomong nèk pas akhir jaman bakal ana ”gempa bumi sing gedhé” lan bencana-bencana liyané. (Luk. 21:11) Terus, bakal ana ”akèh sing nglanggar hukum”. (Mat. 24:12) Dadi, ing endi-endi ana kejahatan lan térorisme. Yésus ora ngomong nèk mung wong-wong jahat sing bakal kena bencana. Umaté Yéhuwah ya isa dadi korbané. (Yés. 57:1; 2 Kor. 11:25) Mémang Yéhuwah ora nggawé mukjijat bèn umaté ora kena bencana-bencana kuwi. Tapi, Dhèwèké bakal mènèhi umaté rasa ayem. Awaké dhéwé isa tetep tenang lan ora kuwatir nèk wis siap-siap sakdurungé ana bencana. Kuwi bukti nèk awaké dhéwé percaya karo Yéhuwah. Kok isa? Ing Alkitab disebutké nèk awaké dhéwé kudu siap-siap sakdurungé ana bahaya. w22.12 18 ¶9-10

Pas Yusuf dipenjara, Yéhuwah mènèhi loro mimpi kanggo Firaun. Firaun bingung arti mimpiné kuwi. Pas ngerti nèk Yusuf isa njelaské arti mimpi, dhèwèké ngundang Yusuf. Terus, Yéhuwah mbantu Yusuf bèn isa njelaské arti mimpiné Firaun lan mènèhi saran sing apik kanggo Firaun. Dadi, Firaun isa nyimpulké nèk Yéhuwah ndhukung Yusuf. Kuwi sebabé, Yusuf ditugasi kanggo ngurus bahan pangan ing Mesir. (PD. 41:​38, 41-44) Bar kuwi, ana kelaparan ing Mesir nganti tekan Kanaan. Nah, ing Kanaan ana keluargané Yusuf. Saiki, Yusuf isa mbantu lan nyedhiakké panganan kanggo keluargané sing sukmbèné dadi nènèk moyangé Mésias. Wis jelas nèk Yéhuwah sing nggawé kabèh sing dilakoni Yusuf berhasil. Meskipun masalahé Yusuf abot banget, tapi Yéhuwah mbantu Yusuf bèn tujuané Yéhuwah isa kelakon. w23.01 17 ¶11-12

Ana akèh sing isa nggawé awaké dhéwé ora cedhak karo Yéhuwah lan kuwi kudu dihindari. (WB. 22:3) Nèk ngupayakké kuwi, awaké dhéwé bakal terus dadi wong sing ditresnani Gusti Allah. (Yud. 20, 21) Rasul Paulus ya ngandhani wong Kristen bèn nggatèkké perbuatané dhéwé-dhéwé. Dhèwèké ngomong, ”Kowé kudu terus nggatèkké tumindakmu. Kowé kudu tumindak kaya wong sing wicaksana, dudu kaya wong sing ora wicaksana.” (Éf. 5:​15, 16) Ana akèh sing isa nggawé awaké dhéwé adoh saka Yéhuwah. Mula, awaké dhéwé ”kudu terus ngupaya bèn paham karo karepé Yéhuwah”. (Éf. 5:17) Hasilé, ora soal apa masalahé, awaké dhéwé isa tetep setya. Awaké dhéwé tetep isa nggawé keputusan sing apik nèk ngerti ”karepé Yéhuwah”. Carané, kudu sinau Alkitab lan ngrenungké kuwi. Nèk ngerti karepé Yéhuwah lan nduwé ”pikirané Kristus”, awaké dhéwé isa dadi ”wong sing wicaksana”.—1 Kor. 2:​14-16. w23.02 16-17 ¶7-9

Apa njenengan seneng resik-resik omah? Pas pertama kali pindhah, omahé mesthi diresiki kabèh. Tapi piyé nèk bar kuwi njenengan ora tau resik-resik? Ya mesthi omahé njenengan dadi reged. Bèn omahé isa tetep resik, njenengan kudu ngresiki kuwi saben dina. Padha kaya resik-resik omah mau, awaké dhéwé ya kudu berusaha bèn pikiran tetep resik. Sakdurungé dibaptis, awaké dhéwé mesthi wis ”ngresiki uripé awaké dhéwé saka apa waé sing nggawé badan lan pikirané awaké dhéwé dadi najis”. (2 Kor. 7:1) Tapi, Rasul Paulus ngomong nèk awaké dhéwé kudu ”terus berubah”. (Éf. 4:23) Kaya omah sing isa reged manèh, pikirané awaké dhéwé ya isa dipengaruhi karo donya iki manèh. Mula bèn isa nyenengké Yéhuwah, pikiran, sipat-sipat, lan kepénginané awaké dhéwé kudu terus dipriksa. w23.01 8 ¶1-2

Yésus apal lan kerep ngutip kata-kata ing Kitab Suci. Pas dibaptis lan éntuk roh suci, Yésus kèlingan karo kabèh sing tau dialami pas ing swarga. Bar dibaptis, Yésus ngutip kata-kata saka Hukum Musa. Sakdurungé mati, Yésus ya ngutip kata-kata ing Kitab Suci. (PT. 8:3; Mzm. 31:5; Luk. 4:4; 23:46) Selama telung taun setengah pelayanané, Yésus kerep maca gulungan Kitab Suci ing ngarepé wong akèh, ngutip kata-kata ing Kitab Suci, lan njelaské maksudé. (Mat. 5:​17, 18, 21, 22, 27, 28; Luk. 4:​16-20) Yésus kerep maca lan ngrungokké isiné Kitab Suci. Mesthiné Yusuf karo Maria ya kerep ngobrolké isiné Kitab Suci sak keluarga. (PT. 6:​6, 7) Yusuf sak keluarga ya selalu teka ing sinagogé saben dina Sabat. (Luk. 4:16) Yésus ora mung teka thok, tapi dhèwèké ya ngrungokké tenanan pas isiné Kitab Suci diwacakké. w23.02 8 ¶1-2

Ana akèh alesané awaké dhéwé sayang karo Yéhuwah. Yéhuwah kuwi ”sing mènèhi urip” lan sing mènèhi kabèh ”hadiah sing apik lan sing sampurna”. (Mzm. 36:9; Yak. 1:17) Kabèh sing apik sing awaké dhéwé nikmati asalé saka Yéhuwah. Tebusan kuwi hadiah sing paling berharga saka Yéhuwah. Kok isa? Soalé Yéhuwah karo Yésus cedhak banget. Yésus tau ngomong nèk ”Bapak nresnani aku” lan ”aku nresnani Bapak”. (Yoh. 10:17; 14:31) Yéhuwah karo Yésus wis bareng-bareng nganti milyaran taun. (WB. 8:​22, 23, 30) Coba bayangna wektu Yéhuwah ndelok Yésus sengsara nganti mati. Yéhuwah mesthi sedhih banget. Tapi Yéhuwah sayang karo manungsa termasuk njenengan. Mulané, Yéhuwah réla masrahké anaké bèn kabèh manungsa isa urip saklawasé. (Yoh. 3:16; Gal. 2:20) Kuwi sing nggawé awaké dhéwé sayang banget karo Yéhuwah. w23.03 4-5 ¶11-13

Aja ngrungokké ajarané wong murtad. Yésus mènèhi naséhat sing tegas kanggo jemaat ing Pèrgamus merga sedulur-sedulur ing kono manut karo ajaran-ajaran sing palsu. (Why. 2:​14-16) Ora kaya sedulur-sedulur ing Pèrgamus, sedulur-sedulur ing Tiatira dipuji merga ora mèlu-mèlu ”ajaran palsu saka Sétan”. Tapi, sedulur-sedulur ing Tiatira ya dikandhani bèn ”terus nindakké” apa sing bener. (Why. 2:​24-26) Dadi, nèk ana sedulur-sedulur ing Pèrgamus lan Tiatira sing mèlu-mèlu ajaran sing palsu, sedulur-sedulur kuwi ya kudu ndang mertobat. Nèk awaké dhéwé saiki piyé? Awaké dhéwé mesthi ora gelem ngrungokké ajaran sing ora sesuai karo pathokané Yéhuwah. Wong-wong sing murtad ”kétoké ngibadah marang Gusti Allah”, ning sakjané ”tumindaké ora sesuai karo ibadahé”. (2 Tim. 3:5) Bèn ora kepengaruh ajaran sing palsu saka wong murtad, awaké dhéwé kudu rajin sinau Alkitab. (2 Tim. 3:​14-17; Yud. 3, 4) Awaké dhéwé kudu terus ngupaya bèn ibadahé awaké dhéwé nyenengké Yéhuwah. Nèk mungkin ana sing ora sesuai karo kepénginané Yéhuwah, awaké dhéwé kudu cepet-cepet berubah.—Why. 2:​5, 16; 3:​3, 16. w22.05 4 ¶9; 5 ¶11