Bankunga
118 Beno pesa Yehowa matondo, sambu yandi kele mbote;+
Zola na yandi ya kwikama ke zingaka kimakulu.
2 Bika Izraele kutuba ntangu yai nde:
“Zola na yandi ya kwikama ke zingaka kimakulu.”
3 Bika bantu ya nzo ya Aroni kutuba ntangu yai nde:
“Zola na yandi ya kwikama ke zingaka kimakulu.”
4 Bika bantu yina ke waka Yehowa boma kutuba ntangu yai nde:
“Zola na yandi ya kwikama ke zingaka kimakulu.”
6 Yehowa kele na lweka na mono; mono ta wa boma ve.+
Muntu lenda sala mono nki?+
7 Yehowa kele na lweka na mono bonso nsadisi na mono;*+
Mono ta tala mutindu bantu yina ke mengaka mono ta bwa.+
8 Kutina na Yehowa kele mbote
Kuluta kutula ntima na bantu.+
9 Kutina na Yehowa kele mbote
Kuluta kutula ntima na bamfumu.+
11 Bo ziungaka mono, ee, bo ziungaka mono na bandambu yonso,
Kansi na zina ya Yehowa
Mono kulaka bo.
12 Bo ziungaka mono bonso baniosi,
Kansi bo fwaka nswalu bonso tiya na kati ya bansende.
Na zina ya Yehowa
Mono kulaka bo.+
13 Bo* yinaka mono ngolo sambu mono bwa,
Kansi Yehowa sadisaka mono.
14 Yah kele kisika na mono ya lutaninu mpi ngolo na mono,
Mpi yandi me kuma luguluku na mono.+
15 Milolo ya kiese mpi ya luguluku*
Kele na batenta ya bantu ya lunungu.
Diboko ya kitata ya Yehowa ke songa ngolo na yo.+
16 Diboko ya kitata ya Yehowa ke kudinangula;
Diboko ya kitata ya Yehowa ke songa ngolo na yo.+
17 Mono ta fwa ve, ve, mono ta zinga,
Sambu na kuzabisa bisalu ya Yah.+
19 Beno kangudila mono bakielo ya lunungu;+
Mono ta kota kuna mpi ta kumisa Yah.
20 Yai kielo ya Yehowa.
Bantu ya lunungu ta kotila na kielo yina.+
21 Mono ta kumisa nge, sambu nge pesaka mono mvutu+
Mpi nge kumaka luguluku na mono.
24 Yai kilumbu yina Yehowa me salaka;
Beto ta wa kiese mpi ta yangalala sambu na yo.
25 Yehowa, beto ke bondila nge, pardo gulusa beto!
Yehowa, nungisa beto, pardo!
27 Yehowa kele Nzambi;
Yandi ke pesaka nsemo.+
Beno vukana na ndonga ya bantu yina ke tambula na nkinsi ti balutangu na maboko,+
Tii na bibongo ya mesa-kimenga.+
28 Nge kele Nzambi na mono, mpi mono ta kumisa nge;
Nzambi na mono, mono ta pesa nge nkembo.+