-
Kulonga 4:19Biblia—Mbalula ya Nsi-Ntoto ya Mpa
-
-
19 Ebuna kana nge tala na zulu mpi nge mona ntangu, ngonda, mpi bambwetete—makesa yonso ya zulu—kubika ve nde yo pukumuna nge mpi nge fukama na ntwala na yo mpi nge sadila yo.+ Yehowa Nzambi na nge me pesa yo na bantu yonso yina kele na ntoto ya mvimba.
-
-
2 Bantotila 23:5Biblia—Mbalula ya Nsi-Ntoto ya Mpa
-
-
5 Yo yina, yandi katulaka na kisalu banganga-nzambi ya nzambi ya nzenza, yina bantotila ya Yuda tulaka sambu na kupesa midinga ya kimenga na bisika ya kunanguka na bambanza ya Yuda mpi na bisika yina kele na nziunga ya Yeruzalemi; yandi katulaka mpi bantu yina vandaka kupesa midinga ya kimenga na Baale, na ntangu, na ngonda, na bimvuka ya bambwetete ya zodiake, mpi na makesa yonso ya zulu.+
-