8 Kaka mutindu muntu mosi ve kele ti kiyeka na zulu ya mpeve* to lenda kanga mpeve nzila, mutindu mosi mpi muntu mosi ve kele ti kiyeka na zulu ya kilumbu ya lufwa.+ Kaka mutindu bo ke pesaka ve ata muntu mosi nswa ya kukatuka na bitumba ntangu yo ke salama, mutindu mosi mpi mbi ta pesa ve bantu yina ke salaka yo nzila ya kutina.*

13 Ntangu yai, beno wa, beno bantu yina ke tubaka nde: “Bubu yai to mbasi beto ta kwenda na mbanza yai, beto ta sala mvula mosi kuna, beto ta sala mumbongo mpi beto ta baka luta,”+ 14 kansi beno ke zaba ve nki mutindu luzingu na beno ta vanda mbasi.+ Sambu beno kele lubungi yina ke monikaka sambu na ntangu fioti mpi na nima yo ke vilaka.+