Watchtower MIKANDA YA KE NA INTERNET

Watchtower MIKANDA YA KE NA INTERNET

MIKANDA YA KE NA INTERNET

Kikongo (Rép. dém. du congo)

Yezaya 53:7

Biblia—Mbalula ya Nsi-Ntoto ya Mpa
- 7 Bo niokulaka yandi+ mpi yandi bikaka nde bo monisa yandi mpasi,+
  Kansi yandi kangulaka ve munoko na yandi.
  
  Bo nataka yandi bonso dimeme ya bo ke kwenda kufwa,+
  Bonso dimeme yina ke bikala pima na ntwala ya bantu yina ke zenga yo mika,
  Mpi yandi kangulaka ve munoko na yandi.+

Yezaya 53:11

Biblia—Mbalula ya Nsi-Ntoto ya Mpa
- 11 Sambu na mpasi na yandi,* yandi ta mona mpi ta sepela.
  
  Na nzila ya nzayilu na yandi, muntu ya lunungu, nsadi na mono,+
  Ta nata bantu mingi na kuvanda bantu ya lunungu,+
  Mpi yandi ta nata bifu na bo.+

1 Bakorinto 15:3

Biblia—Mbalula ya Nsi-Ntoto ya Mpa
- 3 Sambu mambu yai ya mono bakaka mpi kele na kati ya mambu ya ntete yina mono pesaka beno, nde Kristu fwaka sambu na masumu na beto mutindu Masonuku ke tubaka;+

Baebreo 9:13, 14

Biblia—Mbalula ya Nsi-Ntoto ya Mpa
- 13 Sambu kana menga ya bankombo ti ya bangombe+ mpi putulu ya mwana-ngombe yina bo ke losilaka bantu yina kele mvindu, ke santisaka nsuni sambu na kukumisa yo bunkete,+ 14 keti menga ya Kristu,+ yina kudipesaka yandi mosi na Nzambi kukonda mvindu na nzila ya mpeve ya kimakulu, ta kumisa ve kansansa na beto bunkete na bisalu ya kufwa+ sambu beto sadila Nzambi ya moyo kisalu ya santu?+

1 Piere 2:24

Biblia—Mbalula ya Nsi-Ntoto ya Mpa
- 24 Yandi mosi nataka masumu na beto+ na nitu na yandi na zulu ya nti,+ sambu beto fwa na yina me tala* masumu mpi beto zinga na yina me tala lunungu. Mpi “beno me belukaka na nsadisa ya bamputa na yandi.”+

1 Yoane 3:5

Biblia—Mbalula ya Nsi-Ntoto ya Mpa
- 5 Beno me zaba mpi nde yandi monanaka sambu na kukatula masumu na beto,+ mpi yandi kele ve ata ti disumu mosi.