Jéhovah me pesa beto Ngulusi mosi
29 Muntu ya ntete ya kimpeve ya Nzambi salaka vandaka na yandi bonso Mwana na yandi ya ntete.
Nzambi ke zolaka yandi mingi mpi yandi tasadila yandi sambu na kufwa bantu yambi na kugulusa bantu ya bulemfu. —Jean 3:16, 36
30 Jéhovah tindaka Mwana na yandi sambu na kubutuka awa na ntoto. Bau pesaka yandi zina ya Yesu. Mama na yandi bingamaka Mariya. —Luc 1:30-35
31 Ntangu ya Yesu kumaka mbuta, yandi longaka mambu mingi ya mbote, mu mbandu nde Jéhovah ikele kaka yandi mosi Nzambi ya kieleka. —Marc 12:29, 30
Yesu tubaka nde beto fweti sambila kaka Jéhovah.—Matthieu 4:10; Jean 4:23, 24
Yandi longaka diaka bantu mambu ya Kimfumu ya Jéhovah.—Luc 17:20, 21
32 Yesu belulaka bambefo mingi ye mpi yandi salaka mambu mingi ya kitoko. Yandi salaka ata diambu mosi ya mbi ve. —Bisalu 10:38; 1 Pierre 2:21, 22
Kansi nki mutindu yandi zolaka kugulusa beto na disumu mpi na lufwa?
33 Yandi tambikaka kimenga na Nzambi sambu na kugulusa bantu ya mbote. Na ntangu ya ntama, Nzambi zabisaka na bantu na kutambika bimenga ya bambisi sambu na masumu na bau. —Ba-Hébreu 7:25, 27
34 Yesu tambikaka kimenga ya bambisi ve. Yandi kudipesaka yandi mosi na nkayilu sambu na beto. —Matthieu 20:28; Ba-Hébreu 10:12
Keti nge zaba sambu na nki?