Keti nki nge lenda sala?
50 Keti nge me zola mpi kuzinga mvula na mvula na paladisu ya kitoko?
Kana nge me ndima nde ee, yau ke lomba nde nge fweti longuka diaka yina ya Nzambi ke tuba. Pidina, yunsa kulonguka kutanga Biblia. —Jean 17:3; Kusonga 1:3
51 Meka kuzaba mambu mingi ya ke tadila Yesu.—Deutéronome 18:18, 19; Jean 3:16; Bisalu 3:19-23
52 Tula ngolo na kusalaka kaka mambu ya mbote na kulemfuka na Jéhovah. —Ba-Rome 6:17, 18, 22
53 Keti nge ke yibuka diaka? Jéhovah ke tuba nde beto lenda fwa muntu ve. —Exode 20:13; 1 Jean 3:11, 12
54 Beto lenda baka ve kima ya muntu yankaka. —Exode 20:15; Ba-Efeso 4:28
55 Bakala lenda zinga ve to kulala na nkento yankaka, yake nkento na yandi ve. —Exode 20:14, 17; 1 Ba-Tesalonike 4:3
56 Keti nge zaba diaka bankento ikwa Nzambi pesaka nzila na bakala mosi lenda bala? Ntangu ikwa bakala fweti bikala na nkento na yandi? —Genèse 2:22, 24; Matthieu 19:5, 6; 1 Ba-Kolinto 7:2, 10, 11
57 Beto zaba diaka nde beto fweti sambila kaka Jéhovah yandi mosi. —Matthieu 4:10; 1 Ba-Kolinto 8:6
58 Biteki na bifwanisu lenda sadisa beto ve. Sambu na nki? —1 Ba-Kolinto 8:4
Keti yau kele mbote na kuvanda na biteki? —Deutéronome 27:15; 1 Jean 5:21
59 Sambu na nki yau kele mbi na kulwata mabuki ya nkisi ya kuditanina to kusadila mpungu? —Deutéronome 18:10-13; Kusonga 21:8
60 Bampeve yambi to banzio ya nganzi bau dasukilaka Nzambi. Beto lenda sadila bau ve. Bau ke kukusa bantu na manima ya banganga-nkisi. —Bisalu 16:16
61 Beto fweti sambila Nzambi. Yina zola tuba nde: kusulula na Nzambi, kusonga na yandi nde beto ke zola sadila yandi ye mpi kulomba yandi lusadisu.—Ba-Filipe 4:6, 7
62 Beto fweti lemfukila Yesu mpi kuvanda na lukwikilu na yandi. —Ba-Hébreu 5:9; Jean 3:16
63 Vila ve nde yandi fwâka sambu na kugulusa beto. —Ba-Rome 5:8
64 Yindulaka nde Yesu ke Mfumu na beto ya konda kumonana. Beto fweti lemfukila yandi. —Ba-Filipe 2:9-11; Kusonga 19:16
65 Yesu tubaka nde nge fweti zabisa na bampangi mambu ya mbote ya nge me longuka ye mpi bayina ke zola sadila Nzambi bau fweti baka mbotika. —Matthieu 28:19, 20; Jean 4:7-15
66 Pidina nge lenda tubila banduku na nge bamambu ya mbote nyonso yai.—Matthieu 10:32
67 Kana nge longuka kutanga, nge ta lenda zaba makambu mingi ye mpi nge ta lunga mbote-mbote na kusadisa bantu yankaka. —2 Timothée 2:15
68 Yesu longaka diaka na bana fioti na kulemfukila Nzambi. Yandi tubaka ata mbala mosi ve nde ntangu kele ve na kutuba na bau. —Matthieu 19:13-15
69 Babuti fwete longa ntangu nyonso bana na bau na kulemfukila Nzambi ye mpi na kuzola yandi. —Deutéronome 6:6, 7; Proverbes 6:20-22; Ba-Efeso 6:4
70 Mabundu kele mingi. Ndambu ya nene ya malongi ya bau ke longa yau ke katukaka na Biblia ve. Jéhovah ke tubila beto na kubasika mabundu ya ke longa kieleka ve. —Kusonga 18:4; Jean 4:23, 24
71 Awa na ntoto, Jéhovah kele na bansadi na yandi bayina lenda longa nge diaka mambu mingi ya ke kutadila yandi. Keti nge kezaba banani bansadi yina? —Bisalu 15:14; Ba-Rome 10:14, 15
72 Shi ke Batemwe ya Jéhovah. Bau ke vandaka na ngemba kati na bau. Nge ke zaba sambu na nki? Sambu bau ke zolanaka na bankaka. —Esaïe 43:10-12; Jean 13:34, 35
73 Bonso bau ke zolaka diaka Jéhovah, bau botamaka. Ikele mutindu yina bau ke songa na meso na bantu nde bau me bikisaka mutindu na bau ya kuzingila yambi ye mpi bau zola sadila Nzambi na luzingu na bau ya mvimba.—Bisalu 2:41
74 Batemwe ya Jéhovah ke na kivuvu ya kuzinga na paladisu yampa mpi ya kitoko.—Nkunga 37:9-11, 29
Nki nge lenda sala sambu na kuzinga mpi kuna na bau? —Jacques 1:22, 25; 2:20-26
75 Kutana na bau sambu na kulonguka kusadila Jéhovah. Bau ke zolaka Jéhovah na Yesu mpi bau ke lemfukilaka bau. Keti nge ke zolaka Nzambi na Yesu? Nge lenda kusadisa bantu yankaka na kuzaba Nzambi? —Jean 6:45-47
76 Jéhovah na Yesu Klisto ke zolaka nge ye mpi bau ke zola nde nge zinga mvula na mvula na paladisu.—Jean 3:16
Yina ya nge melonguka na kutadila bifwanisu ya mukanda yai na bantendula ya ke landa yau, na ntembe ve yau me pesa nge nzala ya kuzinga mvula na mvula na kiese na ntoto. Keti nge zola diaka kuzaba mingi na kivuvu yangu? Pidina solula na mosi na Batemwe ya Jéhovah ya ke zingilaka pene-pene na nge. Nge lenda mpi kusonika to kulomba na muntu kusonikila nge na bilo ya ke finama na nzo na nge. Nge lenda tala na dititi ya b’adelesi ya ke na page ya zole ya kamukanda yai.