Beno Kuna Nkeni ya Kimfumu

1. Bampika’a Nzambi beno kwisa,

Be ya mendimaka yandi.

Be kwi sala kisalu’a Mfumu,

Mpi be longuka na yandi.

Beno kuna nkeni ya kyeleka

Na ntima ya lenda buta

Bambuma ya mbote na nkembo’a Nzambi,

Mpi beno kudipesa mpenza.

2. Bankeni yankaka lenda bwa

Na ntima ya ngolo mpenza.

Ata bo ndima nsangu yina,

Mpusa na bo tazabana.

Kana bansende kangisa nsangu;

Bo tafuluka ti bwimi.

Kansi nkeni lenda buta bambuma

Na ntoto ya mbote kibeni.

3. Sambu kisalu na nge nunga

Nge mosi fwete kwamina.

Ti ntima-nda mpi zola’a nkweno,

Ntima na bo lenda soba.

Kana nge kangula meso na nge,

Nge takatula bo boma.

Pana nge le tula ntima’a kubuka

Bambuma’a mbote mingi mpenza.