Mukanda ya Nzambi Kele Kimvwama

1. Ke na buku mosi’a kitoko mingi,

Ya kepesa kyese ti kivuvu.

Bangindu na yo kele ngolo mpenza;

Yo kepesaka “bafwa” luzingu.

Buku yango kele Ndinga ya Nzambi.

Bantu ya vaa zola Nzambi mingi,

Kusonikaka yo na ngolo nandi,

Ya pesaa bo mpeve santu nandi.

2. Bo tubilaka lugangu ya Nzambi,

Bo tendulaa ngolo ya Yehowa.

Mpi mpila muntu ya ntete vandaka

Ye mutindu yandi sumukaka.

Bo tubilaka dyaka wanzyo mosi

Ya tulaka ntembe ti Yehowa.

Ntembe yango kunataka masumu,

Kansi ntama ve Nzambi tanunga.

3. Bubu yayi kele ntangu ya kyese.

Sambu Kimfumu’a Nzambi keyala.

Yayi lumbu’a Yehowa kegulusa

Bantu nandi yonso ya kwikama.

Nsangu yayi ke na mukanda nandi;

Yo kele madya ya santu mpenza.

Yo kepesaka ngemba ya kyeleka;

Yo meluta mikanda yankaka.