Nkunga 115
Beto Nungisa Banzila na Beto
Ya Bo Me Niema na Papie
1. Beto kezolaa Biblia.
Beto fwe tanga yo,
Kulonguka, kuyindula,
Mpi kuzitisa yo.
Sa yo twadisa mabanza
Mpi mambu na beto.
(REFRAIN)
Tanga, yindula, zitisa.
Mpi Yah tasambula.
Konso kilumbu, tambula
Ti Nzambi, mpi nunga.
2. Na bamfumu’a Izraele,
Nzambi pesaa ntuma:
‘Konso mfumu fwe sonika
Bansiku’a Yehowa,
Kutanga yo konso lumbu
Sa ya sala mbi ve.’
(REFRAIN)
Tanga, yindula, zitisa.
Mpi Yah tasambula.
Konso kilumbu, tambula
Ti Nzambi, mpi nunga.
3. Kutanga Ndinga ya Nzambi
Kepesaka ngolo,
Kivuvu, ngemba’a ntima, mpi
Lukwikilu’a ngolo.
Beto fwe ndima Ndinga’a Yah,
Sambu na kuyela.
(REFRAIN)
Tanga, yindula, zitisa.
Mpi Yah tasambula.
Konso kilumbu, tambula
Ti Nzambi, mpi nunga.
(Tala mpi Kul. 17:18; 1 Bant. 2:3, 4; Nk. 119:1; Yer. 7:23.)