KITINI YA 1

Inki Mutindu Beto Ke Widikilaka Nzambi?

Nzambi ke tubilaka beto na nzila ya Biblia. 2 Timoteo 3:16

Tuka kiti na yandi ya Kimfumu, Yehowa ke sadisa bantu na kusonika Biblia na ngolo ya mpeve

Nzambi ya kieleka twadisaka bantu sambu na kusonika mabanza na yandi na mukanda mosi ya santu. Mukanda yango kele Biblia. Yo kele ti bansangu ya mfunu yina Nzambi ke zola nde nge zaba.

Nzambi me zaba mambu yina kele mbote sambu na beto, mpi yandi kele Nto ya mayele yonso. Kana nge ke widikila yandi, nge ta kuma kibeni mayele.—Bingana 1:5.

Biblia na bandinga mingi; muntu mosi ke tanga Biblia na ndinga na yandi

Nzambi ke zola nde bantu yonso ya kele na ntoto kutanga Biblia. Yo kele bubu yai na bandinga mingi.

Kana nge ke zola kuwidikila Nzambi, nge fwete tanga Biblia mpi kubakisa yo.

Bantu ya bisika yonso ke na kuwidikila. Matayo 28:19

Mbangi ya Yehowa ke tangila muntu verse, mpi na nima yandi ke longuka Biblia ti muntu yango

Bambangi ya Yehowa lenda sadisa nge na kubakisa Biblia.

Na ntoto ya mvimba, bo ke longaka kieleka ya me tala Nzambi.

Lukutakanu na Nzo ya Kimfumu ya Bambangi ya Yehowa

Nge kele ve ti mfunu ya kufuta mbongo sambu na malongi yai. Nge lenda longuka mpi mambu ya me tala Nzambi na Nzo ya Kimfumu ya Bambangi ya Yehowa ya bwala na beno..