Nani Kele Nzambi ya Kieleka?

Nzambi ya kieleka kele kaka mosi, mpi zina na yandi Yehowa. (Nkunga 83:18) Yandi kele Mpeve; beto lenda mona yandi ve. Yandi ke zolaka beto mpi yandi ke zola nde beto mpi beto zola yandi. Yandi ke zola mpi nde beto zola bantu ya nkaka. (Matayo 22:35-40) Yandi kele Muntu ya Kuluta Yonso, Ngangi ya bima yonso.

Kigangwa ya ntete yina Nzambi gangaka kele kigangwa ya ngolo ya kimpeve; kigangwa yina zabanaka na nima na zina ya Yezu Kristu. Yehowa gangaka mpi bawanzio.

Yehowa Nzambi gangaka bambwetete, ntoto, mpi bima yonso ya kele na kati na yo.—Kuyantika 1:1.

Yandi salaka Adami, muntu ya ntete, na putulu ya ntoto.—Kuyantika 2:7.