KITINI YA 13

Beto Fwete Sala Inki Sambu na Kusepedisa Nzambi?

Buya mambu ya mbi. 1 Bakorinto 6:9, 10

Mambu yina Nzambi ke mengaka—kuyiba, kulauka malafu, kusadila bima yina ke lausaka, kunwana, kusambila bifwanisu mpi biteki

Kana beto ke zolaka Yehowa, beto ta sala ve mambu yina yandi ke mengaka.

Yehowa ke zolaka ve nde beto yiba, beto lauka malafu, to beto sadila bima yina ke lausaka.

Nzambi ke mengaka kufwa bantu, kubasisa divumu, kuvukisa nitu babakala ti babakala to bankento ti bankento. Yandi ke zolaka ve nde beto vanda bantu ya bwimi to beto nwana ti bankaka.

Beto fwete sambila ve biteki to kusala bisalu ya bampeve ya mbi.

Na Paladisu yina ta vanda na ntoto, kisika ta vanda ve sambu na bantu yina ke salaka mambu ya mbi.

Sala mambu ya mbote. Matayo 7:12

Mambu yina ke sepedisaka Nzambi—kuzola bankaka, kuvanda masonga mpi kulolula bankaka

Sambu na kusepedisa Nzambi, beto fwete sala bikesa sambu na kuvanda bonso yandi.

Zola bankaka na kusadilaka bo mambu ya mbote mpi na kukabilaka bo.

Vanda muntu yina ke wilaka bankaka mawa mpi ya ke lolulaka bo.

Bambangi ya Yehowa zole ke longa muntu mosi

Zabisa bankaka mambu ya Yehowa mpi banzila na yandi.—Yezaya 43:10.