NKUNGA 64
Beto Katula Bambuma na Kiese
Ya Bo Me Niema na Papie
1. Beto ke zinga na bantangu,
Ya kukatula bambuma.
Mpi bambuma me yela mingi,
Beto ke sala na kiese.
Yezu mbandu na beto muntu,
Ke twadisaka kisalu,
Konso kilumbu beto ke sala
Kisalu’a Mfumu na kiese.
2. Beto ke longaka sambu na
Zola ya Nzambi mpi’a nkweno.
Beto fwete sala yo nswalu,
Sambu nsuka me finama.
Beto ke vandaka na kiese,
Ya kusala ti Yehowa.
Lukwikilu ke pusaka beto
Na kulonga tii na nsuka.
(Tala mpi Mat. 24:13; 1 Bak. 3:9; 2 Tim. 4:2.)