BAMVUTU NA BANGIUFULA YA BIBLIA
Sambu na nki Yezu ke bingamaka Mwana ya Nzambi?
Nzambi kele ve ti nkento yina yandi ke butaka ti yandi bana. Yandi kele Ngangi ya bima yonso. Yandi gangaka bantu ti makuki ya kufulula bikalulu na yandi. Yo yina, muntu ya ntete yina Nzambi gangaka Adami, ke bingamaka “mwana ya Nzambi.” Mutindu mosi, Yezu ke bingamaka “mwana ya Nzambi” sambu yandi gangamaka ti bikalulu bonso ya Tata na yandi.—Tanga Luka 3:38; Yoane 1:14, 49.
Inki ntangu Yezu gangamaka?
Nzambi gangaka Yezu na ntwala ya kuganga Adami. Nkutu, Nzambi gangaka ntete Yezu mpi na nima, yandi sadilaka Yezu sambu na kuganga bima yonso ya nkaka, mu mbandu bawanzio. Yo yina, Biblia ke bingaka Yezu “mwana ya ntete ya lugangu yonso” ya Nzambi.—Tanga Bakolosai 1:15, 16.
Na ntwala nde yandi butuka na Betelemi, Yezu zingaka bonso kigangwa ya mpeve na zulu. Na ntangu yina fwanaka, Nzambi tulaka luzingu ya Yezu na divumu ya Maria sambu yandi butuka bonso muntu.—Tanga Luka 1:30-32; Yoane 6:38; 8:23.
Sambu na nki Nzambi ndimaka nde Yezu kubutuka na ntoto bonso muntu? Inki mukumba ya mfunu Yezu lungisaka? Nge lenda zwa bamvutu na bangiufula yai na Biblia, mpi yo ta sadisa nge na kutomisa nzayilu na nge mpi kusepela ti mambu yina Nzambi mpi Yezu me salaka sambu na nge.