Manaka Sambu na Mposo ya Februari 8
MPOSO YA KEBANDA NA FEBRUARI 8
Nkunga 23 (47)
□ Kulonguka ya Biblia ya Dibundu:
□ Nzo-Nkanda ya Kisalu ya Teokrasi:
Lutangu ya Biblia: Bazuzi 11-14
No. 1: Bazuzi 13:1-14
No. 2: Inki Dilongi Beto Lenda Baka na Bangogo ya Yezu ya Kele na Luka 16:9-13?
No. 3: ‘Mpasi ya Mvula na Mvula’ Yina Kusonga Ketubila Ketendula Inki? (rs-F lut. 126 ¶3-4)
□ Lukutakanu ya Kisalu:
Nkunga 94 (182)
Min. 5: Baluzayisu.
Min. 10: Kupesa Mvutu na Bangyufula ya Metala Bankinsi. Disolo ti bawi ya mesimbama na mukanda Comment raisonner, na mambu yina kele na nsi ya bantu-dyambu zole ya keyantika na balutiti 164 mpi 165. Inki bankinsi bantu ya teritware na beno ketaka? Inki ntangu mpi na wapi nge lenda kuka kuta kimbangi na yina metala nkinsi mosi na kati ya bankinsi yai? Sadisa nsonga mosi ya kemonisa kibuti mosi yina keyidika mwana na yandi sambu na kupesa mvutu na ngyufula yai, Sambu na nki beno kesalaka ve nkinsi ya Pake ya Lufutumuku?
Min. 20: “Beto Takabula Baemvitasio ya Lusungiminu na Ntoto ya Mvimba!” Disolo na bangyufula mpi bamvutu. Na ntwala ya kutadila paragrafe ya 2, beno pesa konso muntu kopi mosi ya emvitasio, kana yo kele, na nima benda dikebi ya bawi na mambu ya kuswaswana ya emvitasio yango. Na nima ya kutadila paragrafe ya 2, lomba nsamuni mosi na kusala nsonga ya kemonisa mutindu beto tasadila emvitasio yango. Yula bangyufula na nkengi na kisalu to na nkuluntu yankaka sambu yandi pesa bantendula ya ngika na yina metala bangidika ya bo mebaka na dibundu sambu na kampanye ya Lusungiminu yina tasalama na bilumbu kekwisa.
Nkunga 18 (114)