Kimbangi ya Ngolo Tapesama
1. Katula diskure, inki yankaka lenda yitukisa bantu ya beto tabingisa na Lusungiminu? Tendula.
1 Nki ntangu? Na nkokila ya Lusungiminu. Yo kelombaka kikesa ya ngolo sambu na kubingisa bantu na kukwisa kuvukana ti beto. Mambu ya bantu yango kewaka kele kaka ve kima yina lenda yitukisaka bo. Na nima ya kukwenda na Lusungiminu, nkento mosi kutubilaka mambu ya sikisiki yina yandi monaka—ntima-mbote ya bantu yonso, nzo ya kitoko mpi ya bunkete yina bantu ya luzolo ya mbote kutungaka mpi vandaka kuyidika. Yo yina, beto yonso fwete sala kumosi sambu na kuta kimbangi na dibaku yai ya kuluta mfunu ya mvula kansi mutubi mpamba ve.—Ef 4:16.
2. Inki mutindu konso muntu na kati na beto lenda ta kimbangi na banzenza?
2 Pesa Banzenza Mbote na Kyese Yonso: Kupesa banzenza mbote ya zola mpi kusekisa bo kele kimbangi ya mvimba. (Yoa. 13:35) Ata nge takuka ve kusolula ti bantu yonso, nge lenda pesa bantu yina kele na lweka na nge mbote na kyese yonso mpi kuzabisa bo zina na nge. (Baeb. 13:1, 2) Sosa banzenza yina kemonika bonso nde bo kezaba ve ata muntu mosi. Ziku bo pesaka bo emvitasio na nsungi ya kampanye. Nge lenda yula bo nde: “Keti yai mbala na nge ya ntete ya kukwisa awa?” Lomba bo na kuvanda kisika mosi ti nge mpi na kuyula nge konso ngyufula yina bo lenda vanda na yo. Kana yo kelomba nde dibundu na beno kubasika nswalu sambu na kubikila dibundu ya nkaka kisika, nge lenda tuba nde: “Mu ta zola kuzaba dibanza na nge sambu na lukutakanu yai. Inki mutindu beto lenda kutana dyaka?”
3. Nki mutindu beto lenda zodila bantu yina kesamunaka dyaka ve kukwisa ya mbote?
3 Zodila Muntu Yina Kesamunaka Dyaka Ve Kukwisa ya Mbote: Ntembe kele ve nde bansamuni yina kesamunaka dyaka ve mpi takwisa, yika dyaka bantu yankaka yina kekwisaka kaka na Lusungiminu kansi na balukutakanu yankaka ve. Beno zodila bo kukwisa ya mbote mpi beno zabisa bo nde beno ke na kyese mingi na kumona bo. (Roma 15:7) Bankuluntu lenda kwenda na banzo na bo bilumbu fyoti na nima ya Lusungiminu sambu na kusyamisa bo na kuvukana ti dibundu. Beto kesamba nde bantu mingi na kati ya bayina takwisa kuvukana ti beto kupesa Nzambi lukumu, kaka ve sambu na mambu yina bo tawa, kansi mpi sambu ‘bo tamona mambu ya mbote yina beto ke salaka.’—1 Pie. 2:12.