Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Marsi

“Bantu mingi ketaka nkinsi ya lubutuku ya Yezu, keti nge keyindula nde yo kele mfunu na kuyibuka lufwa ya Yezu?” Bika muntu yango kupesa mvutu. Na nima, pesa yandi Nzozulu ya Nkengi ya Marsi 1, mpi beno tadila mambu yina kele na kantu-dyambu ya ntete na lutiti 16; beno tadila mpi ata verse mosi. Beno wakana sambu na kuvutukila yandi mpi kutadila ngyufula yina kelanda.

Nzozulu ya Nkengi Aprili 1

“Mabundu mpi tumabundu kele mingi na nsi-ntoto mpi yo kele na balukwikilu ti bisalu ya mutindu na mutindu. Keti nge keyindula nde konso muntu yina ketuba nde yandi kele Mukristu, kele mpenza Mukristu? [Bika muntu yango kupesa mvutu.] Na kutadila mambu yina Yezu tubaka, yai kele kidimbu sambu na kuzaba Bakristu ya kyeleka. [Tanga Yoane 13:34, 35.] Zulunalu yai ketubila mambu tanu ya Yezu tubaka yina kesadisa beto na kuzaba balongoki na yandi ya kyeleka.”

Reveillez-vous ! Marsi

“Beto ke na kusolula ti bamfinangani na beto na yina metala kikalulu mosi ya mbi. Yo kemonana nde, bubu yai, bantu mekuma kuwa makasi mingi mpi nswalu kibeni. Nge keyindula nde inki kele na kisina na yo? [Bika muntu yango kupesa mvutu.] Tala dyambu yai Biblia ketuba na yina metala makasi. [Tanga Nkunga 37:8.] Zulunalu yai ketubila mwa bikuma yina kesala nde bantu kukuma makasi mingi bubu yai mpi mutindu beto lenda yala makasi na beto.”