Beto Yamba Bo Mbote!

1. Inki diambu ke pesaka beto dibaku ya kuluta mbote ya kuta kimbangi, mpi sambu na nki?

¹ Lusungiminu ke pesaka beto dibaku mosi ya kuluta mbote ya kuta kimbangi kuluta balukutakanu ya nkaka. Mu mbandu, na mvula yai beto ke tula ntima nde bantu kuluta bamilio kumi ta kwisa na Lusungiminu mpi ta bakisa mitindu zole ya zola ya kuluta nene yina nkudulu ke monisa. (Yoa. 3:16; 15:13) Bo ta zaba balusakumunu yina bo lenda baka na nsadisa ya dikabu ya Yehowa. (Yez. 65:21-23) Kansi mutubi mpamba ve muntu ta ta kimbangi na dibaku yai. Bantu yonso, ta vanda ti dibaku ya kuta kimbangi ya ngolo na kuyambaka banzenza mbote.—Bar. 15:7.

2. Inki mutindu beto lenda yamba banzenza mbote?

² Na kisika ya kuvanda mpi kuvingila ntangu manaka ta yantika, beto lenda sala bikesa sambu na kuzaba bantu yina kele na lweka na beto. Banzenza lenda vanda nsoni-nsoni mpi na keti-keti sambu na mambu yina bo ta kuta. Kusekisa bo mpi kupesa bo mbote na mawete yonso lenda sadisa bo na kudiwa mbote kibeni. Sambu na kuzaba nzenza yina bo pesaka emvitasio, beto lenda yula yandi kana yo kele mbala ya ntete ya kukwisa na balukutakanu na beto to kana yandi me zaba muntu ya nkaka na dibundu. Ziku nge lenda binga yandi na kuvanda ti nge mpi kusadila Biblia na nge ti mukanda ya bankunga. Kana beno kele na Nzo ya Kimfumu, yo lenda vanda mbote na kusadisa yandi mwa viziti. Na nima ya diskure, songa yandi nde nge lenda pesa bamvutu na bangiufula na yandi. Kana dibundu na beno fwete basika nswalu sambu na kubikila dibundu ya nkaka kisika, nge lenda tuba nde: “Mu ta vanda na mfunu ya dibanza na nge sambu na malongi ya bubu. Inki mutindu beto lenda kutana?” Na nima, baka bangidika sambu na kukutana ti yandi kilumbu ya nkaka. Bankuluntu ta tula dikebi mingi-mingi na bansamuni yina ke samunaka diaka ve sambu na kupesa bo kikesa.

3. Sambu na nki kusala bikesa ya kuyamba banzenza na Lusungiminu kele mfunu?

³ Sambu na banzenza mingi, yo ta vanda mbala ya ntete ya kumona kiese, ngemba, mpi bumosi yina bantu ya Yehowa ke vandaka na yo na paladisu ya kimpeve. (Nk. 29:11; Yez. 11:6-9; 65:13, 14) Bikesa ya beto ta sala sambu na kuyamba banzenza mbote, ta sadisa bo na kuyibuka mambu ya mbote na nima ya Lusungiminu.