Kampanye ya Kukabula Baemvitasio ya Lusungiminu Ta Yantika na Marsi 22

Na mvula yai, kampanye ya kubinga bantu ya nkaka na Lusungiminu ta yantika na Sabala, Marsi 22. Bo ke siamisa beto yonso na kusamuna mingi. Kana mpila kele, beto ta kabula mpi bazulunalu ya mpa na ba wikendi. Na Sabala ya ntete ya ngonda ya Aprili, beto ta sala ngolo na kukabula ba emvitasio na kisika ya kuyantika kulonguka Biblia ti bantu. Kansi, kana muntu me monisa mpusa ya ngolo, beto lenda longuka Biblia ti yandi. Nkengi na kisalu lenda tala kana kukabula baemvitasio na bisika ya bantu yonso ta sadisa dibundu na kukutana ti bantu mingi na teritware. Ntangu yai, sala lisiti ya bantu ya dibuta, banduku ya kisalu, banduku ya nzo-nkanda, balongoki ya Biblia mpi ya bantu ya nkaka yina nge ke zola kubingisa mpi pesa bo baemvitasio ntangu kampanye ta yantika. Beto ke tula ntima nde bantu mingi ta vukana ti beto sambu na kusungimina zola ya kuluta nene yina Yehowa ti Yezu me monisilaka beto.—Yoa. 3:16; 15:13.