Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Marsi

“Beto me kwisa kusolula ti nge mwa fioti sambu na diambu mosi yina ta salama na Aprili 14. Dati yango ke tadila Lusungiminu ya lufwa ya Yezu. Bantu ya nkaka ta sungimina yo sambu bo ke zabaka nde lufwa na yandi vandaka mfunu. Kansi, bankaka ke ndimaka ve nde lufwa ya Yezu vandaka mfunu. Keti nge ke zabaka nde lufwa ya Yezu ke natilaka nge ti mono mambote?” Bika muntu yango kupesa mvutu. Songa yandi disolo na nsuka ya Nzozulu ya Nkengi ya Marsi 1, mpi beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Marsi 1

“Bantu mingi ke kudiyulaka sambu na nki Nzambi ke sukisa ve kukonda lunungu mpi bampasi ya nsi-ntoto. Keti nge ke yindula nde Nzambi ke kudibanzaka ve sambu na yo to yandi ke zolaka nde bantu kumona mpasi? [Bika muntu yango kupesa mvutu. Na nima tanga Yoane 3:16.] Ata bantu mingi ke sadilaka verse yai sambu na kumonisa nde Nzambi ke kudibanzaka sambu na bo, bo ke ndimaka ve nde lufwa ya mwana ya Nzambi ke natilaka bo mpenza mambote. Zulunalu yai ke tendula mutindu lufwa ya Yezu me kangulaka nzila ya kusukisa kukonda lunungu mpi bampasi na ntoto.”

Réveillez-vous ! Marsi

“Beto me kwisa kusolula ti nge mwa fioti sambu na kusungika dibanza ya mbi yina bantu mingi ke vandaka na yo sambu na verse yai. [Tanga Kuyantika 1:1.] Bantu ya nkaka ke kwikilaka nde muntu mosi gangaka luyalanganu, kansi bankaka ke ndimaka ve. Inki kele dibanza na nge? [Bika muntu yango kupesa mvutu.] Bantu mingi ke monaka mpasi na kukwikila na lugangu sambu bantwadisi ya mabundu ke longaka mambu yina kele ve na Biblia. Zulunalu yai kele ti bantendula ya pwelele mpi ya kutudila ntima na mutindu luyalanganu yantikaka.”