Mbandu ya Bangogo ya Kukotila na Masolo
(Sadila periodike ya Kifalansa kana yo kele ve na Kikongo)
Sambu na Kampanye ya Kukabula Baemvitasio ya Lusungiminu
“Beto ke kabula baemvitasio sambu na diambu mosi ya kuluta mfunu. Na Aprili 14, bamilio ya bantu na nsi-ntoto ta vukana sambu na kusungimina lufwa ya Yezu Kristu mpi kulanda diskure mosi ya ofele ya me simbama na Biblia, yina ke monisa mutindu lufwa ya Yezu ke natilaka beto mambote. Emvitasio yai ke monisa ntangu mpi kisika yina lukutakanu ta salama na teritware na beto.”
Nzozulu ya Nkengi Aprili 1
“Beto me kwisa kusolula ti nge mwa fioti sambu na diambu mosi ya bantu mingi ke salaka. Beto lenda tuba nde konso muntu ke sambaka, yo vanda yandi kele na nki dibundu. Keti nge ke yindula nde Nzambi ke pesaka mvutu na bisambu to bisambu ke sadisaka beto kaka na kudiwa mbote ntangu beto kele mpasi? [Bika muntu yango kupesa mvutu.] Tala mambu yina Biblia ke tuba na yina me tala kisambu. [Tanga 1 Yoane 5:14.] Zulunalu yai ke tendula mutindu kisambu ke natilaka beto mambote.”
Réveillez-vous ! Aprili
“Beto ke sadisa bantu na dikambu mosi ya ke kumina bantu mingi bubu yai. Makambu ke lutila bantu mingi na luzingu mpi yo ke pusa bo na kusosa kudifwa. Keti nge ke yindula nde kana muntu ke kutana ti bampasi, yandi ke sosaka mpenza kudifwa to yandi ke sosaka nde bo lembika bampasi na yandi? [Bika muntu yango kupesa mvutu.] Lusilu yai ya Biblia me sadisaka bantu mingi na kuvanda na mabanza ya mbote. [Tanga Kusonga 21:3, 4.] Zulunalu yai ke tendula bikuma tatu ya mbote yina muntu lenda landa na kuzinga ata yandi ke kutana ti bampasi.”