Mbandu ya Bangogo ya Kukotila na Masolo

Na nima ya kupesa muwi mbote, songa yandi trakiti sambu yandi mona ntu-diambu na yo mpi tuba nde: “Beto ke sala kampanye mosi na ntoto ya mvimba sambu na kuzabisa nsangu yai ya mfunu. Kopi na nge yo yai.”

Kana nge bikisa trakiti na nzo yina nge me kuta ve bantu, tula yo na kisika yina bantu lenda mona kansi kukonika-konika yo ve.

Kana muwi me monisa mpusa to nzala ya kusolula, nge lenda yula dibanza na yandi na ngiufula yina kele ti bamvutu mingi na lutiti ya ntete. Kangula trakiti mpi songa yandi mambu yina Nkunga 119:144, 160 ke tuba. Tendudila yandi nde trakiti yango ke tubila mambu ya kele na site Internet yina lenda sadisa yandi na kubaka bamvutu ya mbote na Biblia. Ziku, nge lenda songa yandi video Sambu na Nki Beto Fwete Longuka Biblia? Na ntwala ya kukatuka, songa yandi bangiufula tatu yina kele na lutiti ya nsuka ya trakiti yango mpi yula yandi nde inki ngiufula ke tadila nge. Songa yandi nde nge ta vutukila yandi sambu na kumonisa yandi mutindu ya kusadila jw.org sambu na kubaka mvutu ya Biblia na ngiufula yango. Ntangu nge ta vutukila yandi, sadila MALONGI YA BIBLIA > BAMVUTU NA BANGIUFULA YA BIBLIA sambu na kupesa mvutu.

Kana nge ke kabula mpi baemvitasio sambu na lukutakanu ya distrike, pesa muwi emvitasio yango kumosi ti trakiti mpi yika nde, “beto me pesa nge mpi emvitasio yai sambu na lukutakanu mosi yina bantu yonso ta kota ya ofele.”

Kana mpila kele na bawikendi, tuba mambu yai sambu na kukabula Nzozulu ya Nkengi: “Beto ke zola kupesa nge bazulunalu ya mpa. Zulunalu yai ke pesa mvutu na ngiufula yai: Keti Nzambi ke tudilaka nge dikebi?”

Kana mpila kele na bawikendi, tuba mambu yai sambu na kukabula zulunalu Réveillez-vous ! “Beto ke zola kupesa nge bazulunalu ya mpa. Zulunalu yai ke pesa mvutu na ngiufula yai: Inki mutindu bantu lenda tula ngemba?”